رد : الاخوان الافاضل abo marym و khaled boss و مارد الجنوب و المتفائل بالل
عندي سؤال آخر لو تكرمتوا
انا الحين في بالي اشياء كثييييره ودي انها تتحقق
وفي اشياء كثيرة بحياتي ودي انها تتغير
فاهمه بمبدأ التدريج وان كل شيء لازم يصير خطوه خطوه
وانا لازم اصبر واجاهد عشان اوصل نفسي لكل اللي ابيه
بس قبلها والاهم اني لازم احسن علاقتي بربي وانا هذا الشيء اللي قاعده اسويه الحين
وهذا من أهم أولوياتي واكثر شيء يهمني والحمدلله بديت احس بأثر الشي الحين
صرت احس فيه براحتي وسعادتي من داخلي وانشراح صدري ( افضل من السابق ب 100 مره)
لكن انا احس للحين ناقصني اساس قوي
بمعنى ثاني .. كيف أقوي اعتمادي على ربي وتوكلي عليه
ابسط مثال .. موضوع العمره
انا دائما اكرر واقول اني اتوكل على الله انه ييسرها لي وادعي ربي بهذا الدعاء
لكن احس من داخلي توكلي ضعيف غصب عني
شفت حلقة للشيخ مشاري الخراز من برنامجه في هذا الشهر
واحدى حلقاته كانت عن التوكل
حاولت اطبقها في هذا الموضوع تحديدا .. لكني حسيت من داخلي فيه شيء ناقص
كيف اقوي هذا الشي من داخلي واعتمادي كله يكون على ربي
مو على اهلي ولا على اي شيء ثاني ..
الشيخ الخراز كان يقول بذيك الحلقه
ان لما الانسان يكون متوكل على ربه في موضوع معين .. راح يحس بالراحه حتى وهو يعمل بالاسباب
لكن لما يكون توكله ضعيف .. راح يستمر يحاتي هذا الموضوع وينشغل به
انا لما سويت هذي الحركه .. استمريت احاتي وافكر .. انا متأكده ان توكلي ضعيف
كيف اقوي هذا الشي من داخلي ؟؟
سامحووووووني على ازعاجي المتكرر لكم لكن اتمنى مساعدتكم
والله يجزاكم الجنه يارب
__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين