كأنك لخصت لي كل الموضوع ودخلت بداخل عقلي وعرفت ما اشعر به
فعلا كلامك عيييييييييييين العقل وهذا الصح والواجب

مشكلتي تتلخص بشيئين ..
الاول .. عجلتي ورغبتي ان كل شيء يصير لي بسرعه
والتغيير كله بسرعه .. والقبول بسرعه .. والراحه بسرعه .. واجابة الدعاء بسرعه .. وتحقيق الاماني بسرعه
انا كنت حاطه في بالي ان كل شيء راح يصير بالتدريج
ولكن مدري لما بديت احس بأول نتيجه واللي هي الراحه الداخليه
استعجلت بكل شيء ثااااااني وطمعت بأكثر وأكثر
أنا من قبل طبيعتي عجوووله وأمل بسرعه اذا الشيء يحتاج وقت
علمت نفسي اصبر وما اتعجل بالامور اللي بيني وبين ربي
حتى بالطاعات والعبادات تدرجت فيها عشان نفسي تتقبلها واتأقلم مع التغيرات اللي بتصير لي
لكن لما جيت لهذي النقطه انقلب كل شيء

الشيء الثاني .. اني ربطت قبول توبتي وأعمالي بتحقق هذا الشيء
لاني مثل ما قلت كنت ادعي ربي انه اذا قبل توبتي يعطيني بوادر قبول التوبة
ونوعاً ما اشترطت في دعائي ان هذه البادره تكون ذهابي للعمره (وادري ان هالشيء غلط)
فلما كلمت الوالد وهو وعدني فرررحت وقلت هذي دعوتي تحققت وهذي بادرة
لكن لما تعسرت .. قلت بس هذا الدليل انو ربي ما قبلني ولا سامحني
لاني ربطت الشيئين ببعض

أدري ان هذا غلط انا وقعت فيه
والغلط الثاني اني لما توكلت على الله ظليت احاتي وافكر وهذا اكبر غلط
كأني من داخلي مو واثقه من ربي وكأني اعتمد على غيره
لازم اغير هالشيء من دااااخلي وبحاااول

انا نسيت اهم نقطة في وضعي كله
اني لااااازم اصبر واجاهد نفسي .. لان الطريق بالبداية صعب
وما راح يصير لي كل شيء اتمناه وافكر فيه .. ولازم امر بامتحانات عشان ربي يختبر ثباتي مثل ما ذكر اخوي مارد
لكنه مع الوقت يصير أسهل مما اتصور

شكرا لهذه الكلمات اخوي خالد
والله يختم لك شهر رمضان بالمغفره والعتق من النيران

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين