كملت دراستي و تزوجت و ماتوظفت

نعم احياااانا اتمنى اكون موظفة (بس احيانا )
السبب :
** تغيير جو .. الوحدة تطلع من روتين البيت وشغله و الاطفال .. تحس انه لها دور
وكيان .. لانه بصراحة قعدة البيت مممممملة .. يصير عندك اليوم زي بكرة و امس زي اليوم
روتين واحد مافي غيره...
** الراتب .. مهما كان الزوج طيب و كريم و سخي .. بس الزوجة (وخاصة الي اتعودت على الاستقلالية
قبل الزواج) .. تحس بقيود تجاه فلوس الزوج
الوحدة تحب يكون لها فلوسها الخاصة .. تصرف منها براحتها بدون ماتحس بتانيب ضمير
او الحاجة لاستأذان زوجها (تساعد اهلها . تهدي حد .. تشتري براحتها .. تتصدق براحتها )
يعني بالنهاية فلووووسها وهي حرة فيها ..

الرغبة في العمل تجيني احيانا ...
بس لما اشوف زوجي يصحى من الصببببببببببببح و انا نايمة اقول الحمدلله اني مش موظفة
لما اخذ كرت البنك و اسحب فلوس بدون مااتعب فيها .. اقول الحمدلله اني مو موظفة
لما اكون مهدووود حيلي من شغل البيت و الجري ورا العيال .. اقول الحمدلله الحمدلله الله يعين الموظفة
كيف ترجع من شغلها و بعدين تستلم كمان شغل بيتها تععععععععععععععب ..
لما اطلع اشتري بعض اغراض البيت واحس شوية بالحر و ارجع البيت وهو باااارد .. اقول الحمدللللله اني بالبيت مرتاحة
وكل شي يجيني .. الله يعين زوجي يشتغل بالحر
بالنهاية انا اتعب مع عيااالي حبايبي .. بس هو يشتغل و يتعب مع ناس اغراب
و يضطر يتعامل مع ناس الله لايوريك عشان لقمة العيش..

فا اارجع اقول لااا ربة بيت افضل .

يمكن لو خيروني .. باختار .. وظيفة نص دوام تبدا من عشرة الى 2 الظهر
بمكتب مكيف

وكل عام و انتي بالف خيييييييير

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله