كل سنة و انتو طيبيين يا قمرات و العيد اللى جاى تكونوا معيدين و كل اللى اتمنتوه اتحقق


مرموسة حبيبتى
فكرة انك تكفلى طفلة فى البيت دى حاجة ممتازة جدا و ثواب و حتفرحى قلبك بيها و افضل اقول كلام زي الفل من هنا لبعد بكرة
بس انا عاوزة اقولك حاجة تانية
حطى نفسك فى موقف ان ربنا كرمك ببيبى بعد ما كفلتيها هل المعاملة حتكون واحدة؟ ولا حتتغير و حتكون البنوتة دى درجة تانية فى حياتك؟
ارجوكى فكرى فى الموضوع دا
اذا لقيتى نفسك حتكونى اد المسؤلية الكبيرة دى اعمليها و قلبك مرتاح
انا بقول الكلام دا ليه؟
عشان بجد دى مسؤلية كبيرة
لو واحدة صاحبتى سابت عندك علبة ذهبها بتكون حمل عمدك و بتكونى خايفة عليها اكتر من ذهبك فما بالك بطفل
بس بجد اذا قدرتى على المسؤلية دى ربنا يكرمك يااااااااااااا رب بيها لانها فعلا حاجة اكثر من رائعة فى كل حاجة
و ربنا يكرمك باللى فيه الخير ليكى و لدينك و دنياكى يا رب


هالة
بصى اذا الدكتورة قالت انها طبيعية فى العظام و الفيتامين د كويس فصدقينى صدقينى الموضوع موضوع ان الاستاذة جبانة لما تتاكد انها اد انها حتمشى حتمشى لوحدها
فمتاخفيش ولا تقلقى و حطى فى بطنك بطيخة كمان الموضوع بس محتاج وقت و انتى متضغطيش عليها انها هييييييييييه مشيت
لا متسبيش الموضوع من غير محاولات بس متبينيش ان الموضوع مهم بالنسبة ليكى عشان ساعات بعض الاطفال من باب ان ليهم شخصية بيعملوا عكس اللى امهم عاوزاه فانتى حاولى تمشيها بس من غير ما تشجعيها كان المشى دى حاجة عادية جدا
و ان شاء الله حتشوفى تغيير سريع بأذن الله


باقى القمرات

بحبكم فى الله و كل سنة و انتو طيبيين تانى

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة