بارك الله فيكم على رد الطيب. بخصوص العمل نعم تعمل ، وعن اهلها كانت تخاف من أمها تحبها وايد ولاكن هالمره أمها معها على هذا الأساس هي استقوت اكثر ، وبخصوص الكرامه أخي صحيح عند الرجل الكرامه هيه كل شي ولاكن في بعض الحالات مثلي انا كيف افكر في كرامتي وانا له ظلمتها ، وفي محاولاتي اصلح بيتي وارجع ام عيالي وعيالي أشوف مافي شي اسمه كرامه ، عالعموم رأيكم على راسي ولاكن هذى وجهة نظري . بخصوص اهلها يخبرني إخوها انهم حاولو ولاكن هي مب مقتنعه ونحنا ما نقدر نجبرها، قبل طلاقي بأسبوع رضت واتصللي اخوها قاللي تعال بنتفاهم ورحت جلست مع أمها واخوها الكبير وتكلمو طبعا شكاوي انت وانت وانت وانت وانت سكت مانه بنتهم غلطانه في أمور كثيره بس سكت قلت مع الايام كل شي بيتصلح ، وكنت الحمد الله فرحان كل شي بيرد مكانه ، الا وصللي مسج منها تقول اسمحلي بس انا ابا اصلي الاستخارة فا استغربت قلت انتي في حظنج بنات أعمارهم 10 والثانية 5 وتقولين بتصللين استخارة وانا أبوهم قلت طيب مافيها شي صلى وردي عليه. والمفروض أنروح المحكمه ونلغي دعوة الطلاق المهم عقب اربع الايام انا طرشت لها مسج انه يا ام ساره ما رديتي عليه متى أنروح المحكمه ، الا فاجأتني انها صلة استخاره ومب مرتاحه. طبعا تحطمت مرة الثانيه . قلت تعرفين أحكام صلاة الاستخارة اول شي صفي قلبج وأنوي بكل صدق انج تبين تصلحين بيتج وطبيعي اذا شاله عليه قد الدنيا وين بترتاحين وأساسا ليس هناك شرط أساسي تحسين بشعور زينه او تحلمين. المهم من بعدها حاولت معها بعد بكل الطرق ماشي فائده القاضي يكلمها وينصحها يقولها موضوعكم بسيط ما يحتاج طلاق فكري عدل فكري في البنات ولاكن ماشي فائدة فا حصل طلاق غصبا عني عن طريق القاضي . يا إخواني انا فاهم الحياة بس صعب افكر في غيرها لأني احبها ومابي احرم بناتي من حياة إسرية طبيعيه. ولا ابغي اظلم بنت الناس اذا تزوجت لان قلبي ما بيكون معها وشو ذنبها والسبب الاخير والأكبر مابي اظلم او احرق قلب ام عيالي اكثر لأني انا له ظلمتها. واتمنى رجوعها ابا يكون مجال مفتوح بإذن الله فكرت ترجع. انا اعرف ما بقدر استمر بهاى ألطريقه وحيد ، والندم وصياح يا إخواني . من لي غير خالقي الله سبحانه تعالى وإنشاء الله الله بيلين قلبها وبيصلح بالها ، ادعولي ولا تنسون ، واذا حد عنده اقتراحات يقوللي بارك الله فيكم والله يسعدكم .....