اللهم آميييين
تقبل الله طاعتك اخوي المتفائل ولو انها متأخره
انا بصراحه قريت ردك من فتره لكني تعمدت اتأخر بالرد اول يوم وبعدها انشغلت بالعيد ومع الاهل
الله لا يحرمني منهم

تدري .. والله انا بالبدايه كنت نوعا ما اعترض او استعجل
وما كنت اشوف الحكمه وين وشنو ربي كاتب لي ووين الخيره
لين اول شيء قريت ردك هذا .. وفعلا فكرت فيها .. من انا صوب النبي عليه الصلاة والسلام واصحابه
ولااااا شيء .. رغم اني اعرف سيرته وقريت عنها عشرات المرات لكني الحين رجعت اقرا السيره وبعض المواقف اللي صارت مع حبيبنا صلى الله عليه وآله واصحابه وسلم .. عشان استمد منها العبر واتعلم منها الصبر

والله يا اخوي ما اكذب عليك .. من يوم مريت بهذا الضغط وجيت هنا وكتبت عن موضوع العمره والاحساس اللي انا حاسه فيه .. صار معاي اكثر من موقف .. ما يتعلقون فيني
لكنهم يمرون جداااامي واشوف او اسمع .. مواااقف توضح لي الشيء اللي شرحتوه لي
مثلا موضوع التوكل على الله .. وانه مافي شيء يصير الا بإذن الله .. والاعتماد على الله وغيرررها كثير
لو بتكلم بظل ساعه اكتب
وفيه موقف صار قدامي .. حسيته مثل المنبه لي
انا يمكن صار لي اسبوعين من رمضان وانا اتكلم بموضوع العمره وكلمت اهلي
وابوي وعدني انه ياخذني اذا توفرت له الفرصه وبعدين لما قالوا لي ما بنروح المره هذي وان شاء الله بعد فتره نروح حقدت عليهم وعصبت ومافهمت الموضوع
بعد العيد بيومين (الصباح) عرفت ان ابوي الله يحفظه ويخليه ذخر لي ولا يحرمني منه
كان مجهززز لكل شيء يتعلق برحلة العمره .. حجز للسكن ورتب لها وكان يحاول مع شغله ياخذ اجازة لمدة يومين برغم انه هذي الفترة كان عندهم ضغط اجتماعات ووووو (انت تعرف امور الشغل)
كان كل شيء جاهز الا شيء واحد ما كان راااضي يتضبط .. تخيل كل شيء كان جاهز الا هذا الشيء
وابوي مسكين كان يحاول لآخر لحظه يضبط الموضوع بس ما ضبط
بنفسسس اليوم (لكن بالليل) جاني اتصال من صديقتي تسلم علي عشانها بتروح العمره !!! وانا كنت مكلمتها قبل بيومين وابدا ما كانت لهم نية انهم يروحون .. تقول كل شيء صار بسرعه وفجأة
لما صكيته من عندها جلست افكر واتمعن بالموضوع (لاني كنت توني ادري ان الوالد كان مجهزز كلللل شيء للسفر)
أقسسسسسسم بالله العظيم لأووووول مرة بحيااااااتي كللللللها أفهم معنى أن كلللل شيييء يصير لما ربي يكتبه واني لو سويت كلللل شيء وربي ما كتب لي هذا الشيء ما راح يصير لو شنو
ولو ربي كاتب لي الشيء .. لو مليون عااائق جاء قدامي ما راح يمنعني ولو ذرة
والله الذي لا اله الا هو أول مره يجيني هذا الاحساس واتأكد منه .. شعور مرررررريح

قبل كانت كل اموري ميسره وتمشي بأسهل مما اتصور وماعمري دعيت عشان يصير لي شيء
كنت اعتمد على الاسباب ولا عمرررري اعتمدت وتوكلت على الله .. كان كل شيء بالنسبه لي سهل
كنت اظن ان مو كل شيء لازم اتوكل فيه على الله واعتمد عليه .. الحين بديت افهم
وصرت احااااااول اني اقوي هذا الشيء فيني وأعمقه داخل نفسي
تغيرت نظرتي للامور

الحين بس بديت افهم واتغير
كثير مواقف تمر علي احس فيها ان ربي مرسلهم لي قدامي عشان اتعلم
وأول موضوع هو موضوع العمره .. لما صار لي كذا وصار لصديقتي فهمت ان ربي مو كاتبها لي هذي الفتره
كنت دايما لما ما يصير لي شيء اقول ربي مو كاتبه لي .. بس كنت اقولها كلاااااااام .. الحين اقولها من قلبي
وفعلا هي يمكن خيرة لي ولأهلي .. وانا وااااااااااثقه ان ربي أجلها لي لانه يبي لي الخير ويبيها لي بوقت ثاني
لاني لو كنت رايحه بهالفتره كنت بروح يومين وانا راجعه .. لكن يمكن ربي أجلها لي عشان المره الجايه اروح واطول هناك (انا متفاااائله كثير بهذا الشيء)
ما راح اعترض ولا استعجل .. ربي أعلم بمصلحتي بس بستمر بطاعته وبتقرب له وبرضيه عشان يرضى علي

شكرررررا بحجم السماء اخوي المتفاااائل
سيرة نبينا وحبيبنا وقدوتنا داااائما تكون دافع لنا .. ماااا أجملها
دائما تعرف تضربني بالوتر الحساس .. المواقف اللي كانت تمر به هي اللي تجعلني كلما استعظمت شيء
استسصغره امام سيرته

الله يجمعك ويجمعناااا مع حبيبنا محمد في الفردوس الاعلى
ويسقينا من حوضه ويرزقنا النظر الى وجه الله الكريم يوم القيامه
اللهم آمييييييييين

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين