أبو مريم
والله اني مسسسسستحيه منك
المفروض انا اللي ابارك لك بالعيد واهنييييك .. لك كل الحشيمه والكرامه يا اخوي
أو أقول أبوي .. لكن ما ابي اكبرك

كل عام وانت بألف خيييير أخوي الكريم
وتقبل الله طااااعتك .. والله يعيد عليك شهر رمضان وانت بأحسن حال ومن تحب يارب

والله أسسسسعدني سؤالك واهتمامك بي
الله يفرح قلبك ويسعدك ويرزقك كل خيييير يارب

انا ابشششرك .. الحمدلله كل اموري تمام
غيابي ذيك الفتره كان بسبب اواخر رمضان .. وبعدها العيد
وانشغلت مع الاهل والزيارات .. وزرنا اقاربنا بمنطقه ثانيه .. ويعني كذا
الحين صرت اقضي وقتي كله مع اهلي أو مع نفسي
كان هذا اكثر اسبوع اقضيه معهم (اقصد بالوقت) ما اتركهم الا لما انام
زرت اقاربنا المرضى وساعدت امي بشغلها وجلست مع جدتي وانبسطت مع اخواني
كان هذا اسعد عيد مر علي (من ناحية شعوري داخليا)

حتى مع نفسي تغيرت كثير
ما عدت افكر ولا اهتم .. عشان اكون صريحه معك
بأول العيد بالصدفه قريت شيء بالوتس اب (مسج) مدري ليش ذكرني فيه
وجلست يمكن نص دقيقه اتذكر يوم كان العيد وانا وياه -الله لايعيدها من ايام- وش كان يصير
على طووووووووول تعوذت من ابليس واستغفرت .. والله العظيم تصدق .. كأني ما كنت افكر بهالشي
ولا كأنه خطر ببالي .. بنفس اللحظه راااااح .. ولا عدت افكر ابدا .. صرت مجرد ما اذكر اتعوذ من الشيطان واستغفر .. ما عاد يهزني ولا افكر فيه .. تدريجيا بديت انسسسسى
حتى لما حاولت صديقتي تذكرني غصب .. ما اهتمييييييييييت ولا حرك فيني شعره
الحمدلله هالمره غيييير والله يثبتني
جد بديت ارمي الماضي ورا ظهري ولا كأنه صاااار

لما جاء ثالث العيد .. بديت احن لرمضان وللجو اللي كنت عايشته والسعاده اللي كنت فيها
وكنت خايفه انو مجرد ما ينتهي رمضان .. انتهي انا بعد واتوقف عن كل شيء كنت اسويه
تدري بأول يومين من العيد كنت اصلي الفروض وما كنت اقرا شيء من القرآن
كنت اوقات احس بضيقه ومادري وش سببها
جلست بعد العيد وحطيت لي جدول امشي عليها واهداف احققها لمدة شهر
اذا قدرت اصمد لمدة شهر معناها وضعي ان شاء الله يكون تمام
رجعت اقرأ قرآن بعد كل صلاة (وصية الاخ مارد) وبأي وقت اكون فيه فاضيه صرت امسك المصحف واقرا لو صفحه
حتى الاذكار بديت اقراها (مرة اي ومرات انسى) لكني بحاول اقراها كل مره

والله العظيم .. صرت اشتاق للقرآن اذا ما قريت بعد صلاة مثلا
كنت دائما اردد هذا الدعاء برمضان (اللهم اجعل القرآن ربيع قلبي ونور صدري وجلاء حزني)
كيف كان يمر علي شهووور وانا ما اقرا !!

بديت اقرا كتاب السيره النبويه عشان استمد منها القوة والثبات
اشياء كثيره ناويه احققها وابتدي فيها .. لكن شوي شوي
بديت اشغل وقتي بأمور احبها وتفيدني وتريحني

تدري وش الشي اللي يخليني احس اني بنجح هالمره
احساسي ورغبتي الصادقه واصراري + اني فهمت اشيااااااء كثيره ما كنت اتخيلها
مثال على الاشياء اللي فهمتها هو اللي كتبته فوق في ردي على المتفائل بالله
+ بديت احس بالاشياء اللي قلتوها لي والاشياء اللي كنت فاقدتها وحسيت فيها لما بديت اتقرب من الله
+ بديت اتدرج واخذ الامور بروية بدون استعجال .. خطوة خطوة وما كنت انتقل للخطوة الثانية الا لما احس اني تمكنت من الاولى

انا ما اقول اني تغيرت تماما ولا اقول اني وصلت للي ابيه أو اني ما احتاج شيء زيادة
لكن انا بديت بالخطوات وبإذن الله ربي ما راح يخيبني وهو معاي
للحين مو راضيه عن نفسي لكني سعيده بالخطوات اللي بديت فيها
وهذي مو نهاية مشواري .. للحين باقي طريق طوووووووويل وانا مدري وين وصلت فيه

باقي بعض الامور اللي برجع لكم فيها
لكني احتاج لوقت حتى اوقف على رجولي وحتى احس اني تمكنت وثبت على ما أنا فيه
عشان انتقل للخطوات الجايه

أبو مريم .. حبيت ابشرك بتطوراتي
وانا واثقه انك بتفرررح لي وبتدعي لي بعد
انا متفااااائله كثيييير .. خلك قرررريب أرجوك
يمكن هذي الاخبار تفرحك وتريح قلبك ..
اتمنى منك اخوي الفاااضل ارجوك لا تحمل نفسك فوق طاقتها وريح نفسك وقلبك
ولا تفكر ولا تحاتي وتوكل على الله .. وان شاء الله ماعليك الا العافيه
واتمنى منك انك تطمنا اذا رحت للفحص
الله يعطيييييك الصحه والعافيه
(نحن في الثلث الاخير من الليل بدعي لك بكل خير والله يتقبل ان شاء الله)

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين