أخوي ابيك تكلمه الحين و بعدين لنا تصرف ثاني..

لا ترسل مسج... اتصل له... و قول له هي مسافره و العيال ابي ارمسهم شوي... يعني عادي من حقك يا خوي..

على فكره معلومه يعني... من حقك ترفض سفرهم لأنك ولي امر الأطفال حتى لو الحضانه عندها و هذا شي قانوني... بس انت طيب و تبي عيالك يستانسون... فمب مشكله نمشيها لهم...

أخوي إذا الموضوع تطور و ما عاد ينفع الكلام... تقدر تلجأ للمحكمه و تنظم الزيارات لهم و حتى المبيت عندك... أعرف شي مزعج بس اهم شي لازم شي موثق منهم... يعني رسايل توضح انهم مقصرين من هالناحيه...

اي مبلغ ترسله لمصروف العيال يكون موثق و شخص يشهد انه استلمه و ترسل رساله لها انك طرشت المبلغ المالي و تحدد المبلغ علشان نفقة العيال..

الزيارات... كلم اخوها بالتلفون... ما نفع.. طرش رساله له انك تبي تشوف اليهال (أهم شي ما تغلط بالكلام... يعني اسلوب ودي)... و حتى هي تقدر ترسل لها بعدين رسايل بشكل ودي اني ابي اشوف العيال... و اي رد من قبلها يوصلك تحتفظ فيه...

و شفت تعنت و ما نفع الطيب معاها... تروح للقاضي و تراويه رسايلك و رسايلها انها رافضه تخليك تشوف اليهال و انك تشوف اليهال بالحسره و هو ما بيقصر معاها...

بس هذا آآآآآآآآآآآآآآآآآآآآآآآآآآآآآآخر الحلول يا اخوي...