في حيرة كبيرة
واحتاج الى ارائكم ومساعدتكم

تقدم لي شاب محترم ومن عائلة معروفة بالتدين سئلنا عنه والكل يمدحه وانه يصلي بالمسجد وملتزم وخلوق
شافني شوفة شرعية
وكان بينا كلام
اعجبت جدا بكلامه ومنطقه وطريقه تفكيره
وهو نفس الشي
اتصلت امه وقالت لي انه يمدحك ومعجب بتفكيرك




بعد فترة اتصلت وقالت مافيه نصيب
عرفت بعدين ان الرجال حاط مواصفات معينه للشكل مب موجوده فيني
اعتبر نفسي عادية ومقبولة الشكل وهو طالب وحده جميلة بمواصفات محدده
صحيح حزنت وتضايقت بس قلت خيرة من الله
كان عندي احساس كبير انه من نصيبي حتى بعد ماتفركشت الخطبة
احساس مااقدر افسره
بعد شهور اتصلت خالته وقالت ان الولد مب قادر ينسى البنت
وضلوا اهله يخطبون له بنات بنفس المواصفات الي يبيها ويشوفهم ومايرتاح نفسيا
كلما راح لوحده قعد يقارنها فيني
قالت امي نشوف البنت اذا موافقة او لا
محتارة اوافق عليه وكيف اقدر انسى رفضه لي خصوص ان هالرفض خلاني اتحسس من ناحية الجمال والشكل وماعندي ثقة نهائيا في نفسي
بضل احاتي من هالناحية واشكك في نفسي طول الوقت
او ارفضه بالذات ان مافيه اي عيب وفيه كل المواصفات الي اتمناها