اعاني من مشكله مضايقتني

انا شخصية قياديه واجتماعيه ومرحه جدا الحمدلله وهذا رائ من حولي.
مو اي كلمة تزعلني ولا اي موقف ينرفزني واضع اعذار للناس..
طبعا كثير مواقف احترق من جوا بس لاني اتجنب المشاكل ،، اهدي نفسي من جوا واقول يابنت كبري عقلك

بس هالعفو والتسامح والكتمان تحول لضعف في شخصيتي
الان لما يصير لي موقف ،،لساني يتربط وما اعرف ارد وابكي على طول

لدرجة ان اختي الصغيره.. اصغر مني ب 12 سنه صارت ترفع صوتها علي وانا اكتفي بكلمة ((احترمي نفسك... بنبره حاده)) طبعا بعد الخلاف مع اختي،، اروح غرفتي وابكي لاني انصدم من كلامها او انجرح..

ماعمري تخيلت ان شخصيتي بتصير ضعيفه لهالدرجه
فقدت التعبير والكلام لاني اتغاضى كثير...
صرت اتجاهلها كثير ،، اعاملها وكانها غير موجوده.. لكن احس هالتصرف بيبعدنا عن بعض مع مرور الزمن.. واذا صارحتها تقول انتي نرفزتيني ..

انا عند الناس مااحب ابين اي خلاف او مشكله او حت اي نقاش حاد مع اهلي.. احب الناس تحتفظ بصوره حلوه عن اهلي وعني.
لكن اختي استغلت هالنقطه وصارت ترفع صوتها علي امام الناس ومره من المرات دفتني بيدها ...مستحيل انسى هالموقف جرررحني كثير .. وانا بس ارد عليها ((عيب عليك احترمي نفسك))

صار حقي ينوكل،،، وما انوخذ بالاعتبار لاني دايم اكبر عقلي وما ادخل في نقاشات بدون هدف..

اريد حل ينصفني امام نفسي

كيف اتصرف معها واخليها واخلي الكل يحترموني؟

اذا احد يعرف متخصص ممكن يساعدني.. لا تبخلون علي