بسم الله ماشاءالله
اولا ياعسل الف الف الف الف مبروووووووك ربي يتمم لك على خير و يسعدك و يجعله
الزوج الصالح التقي النقي الي يهنيك ياارب


ثانيا . تعالي هنا يابنت .. زعلتيييييني .. ليش ساكتة و ماخبرتينا بهالخبر الحلو
وبعدين وين الغيبة .. قطعتينا بالعقد .. طيب لم تتزوجي و تجيبي 5 عيال ايش بتسوي

المهم ياعسل ربي يوفقكم و يهنيكم


شوفي موضوعك مختصر بسؤالين صح
** خايفة من موضوع القبلات و الاحضان و هل بيأثر بعدين
**موضوع الدموع و انها قد تدل على ضعف شخصيته


نبدا بالنقطة الاولى ..
كل زوجين يختلفوا حبيبتي .. وهذا يعتمد على شخصية الزوج . هل هو من النوع الي بعدين بيعاير ولا لا
شوفي تفكيره كيف .. بشكل غير مباشر .. بمعنى مثلا هل عندهم في العيلة خواته وقت ماعقدو
عادي عندهم الطلعات و الزيارات ؟؟ لانه لو عادي معناه مايركز بهالموضوع ومعتبر انه هالاشياء
عادي تحصل بين العاقدين ..
لو هو مانع خواته من مقابلة ازواجهم الا بوجود شخص معاهم .. معناه عنده مشكلة
ودامه محرمه على خواته بيجي يوم و يعايرك ..

الشي الثاني .. شخصيتك انتي كيف ..
يعني تفرق بين وحدة تعطي حضن وهي مستحية او حتى بوسة و تبدي عليها علامات الاحراج
وتكون مصحصحة معاه وتوقفه لما تشوفه تمادى .. وفرق بين
الي هي تستقبل زوجها بالقصير و تعمل حركات من تحت تحت وكانها تقوله تعال
هذه الي تنوصف بالجريئة ..و تجاريه بكل مايطلبه من اول مرة يطلب ..

مسالة انها تاثر بعدين .. لا .. على الاقل بالنسبة لي
وانتي عارفة بيئي .. عندنا خطوبة مطولة تمتد سنوات و عادي يزورونا
وتحصل الاشياء هذه .. ومعروف انها تحصل . واشوف كل الي حوليني عايشين مرتاحين و مبسوطين ماشاء الله
بالعكس تبقى ذكريات جميلة..
و كل هذه مقدمات تهيئ الزوجة و حتى الزوج لليلة الزواج
الشي الثاني وهذا الي انا ملاحظاه (وقد اكون مخطأة)
نهيئ لحياتهم سوى ..
تصدقي في بنات متزوجات سنين .. اعرفهم يشكوا لي انهم مايحضنو ازواجهم .
ازواجهم ماهم متعودين واذا قربت الزوجة ينهرها و على كبرنا و عيب و مايصير

فا اعتقد الاحضان وقت الملكة .. تعود الزوج عليها
بس استمري بعد الزواج
لانه فعلا الالتصاق يقرب بين الزوجين

اي حاجة حاباه يتعود عليها .. ابداي من الحين واول ايام الزواج
لان هذه الفترة الي مايرفض فيها الزوج شي ..

اخيرا ضمن هذه النقطة ... حكاية الي يققول .. الحركات دي الان
تضيع من طعمها بعدين .
ابدا ما اييد هذا الكلام . الزوجين المتاحبين تضل لمساتهم لبعض لها طعم
ولو بعد 70 سنة . .. بالعكس كل مامرت السنين بينهم
كل مازاد التفاهم و زادت الحنية و كان للمسات و الاحضان معنى اكبر .. وطعم احلى



نجي لموضوع الدموع ..
والله ياستي هذه انتي احكمي عليها بنفسك
كيف تشوفيه مع الناس ؟كيف تعامله مع الغير
اهله .. اهلك .. اصحابه .. شغله .. هل هو ضعيف الشخصية ؟؟

لو شخصيته حلوة و قوية مع الكل
ومعاك انتي تنزل دموعه .. معناها فعلا دمووع حب قوي بسم الله ماشاء الله
ربي يديمه

ام لو مع كل الناس و في تعاملاته برا .. شخصيته ضعيفة و مهزوزة
فاطبيعي دموعه معاك هي انعكاس .. وعندها يحق لك تخافي



اخيرا حبيبتي ... حصني نفسك و زوجك و لا تحكي لحد حتى صاحباتك على الي يدور بينكم
مهما كانت درجة قربها لك (ولو على سبيل النصح )
هذه نصيييييييييييييييييحة ..

وسلمي لي على الوالدة .. الله يخليها لك و يطول بعمرها وتشوف عيال عيالك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله