أختي في الله

العقد لايعني بالضرورة إتمام الزواج!! وفترة الملكة فترة حساسة جداً!! ومادري كيف اسمحت له نفسة يقبلك ويحضنك!!
أقسم بالله هالشي من إنعدام الغيرة والمروة والمرجلة!!

انا قبل لا اتزوج كنت كاتب على وحدة وماصار نصيب قبل الدخول وطلقتها!! لو أني مسوي مثل ماسوى زوجك أيش شعورك وشعور ابوك واخوانك لما يعرفون ان فيه شخص لمسك وقبلك وحضنك؟؟

الله يهديك بس

ماعمرنا سمعنا ان النبي علية السلام او الصحابة الكرام او السلف الصالح كانت عندهم شوفات وقت الملكة وتقبيل واحضان!! وهذا للأسف من إبتداعات البشر اللي ما انزل الله بها من سلطان!!

وإذا تبين النصيحة يا أختي وضحيلة ان كل شي بوقتة حلو ، وانك مو راضية على القبل والاحضان بالوقت هذا ، وان ضميرك يأنبك لما هو يخرج من عندك!! وقوليلة بس ندخل بيت الزوجية وقتها بكون ملكك وبكون مرتاحة نفسياً وروحياً وبنسوي اللي امرنا ربنا فيه بحدود شرعة وتعاليمة.

اما هالشي اللي قاعد يصير الحين اسمحيلي يا اختي ولا تزعلين مني هو قلة حيا ومصخرة!!

وبالنسبة لشخصيتة فأنا ما احب الرجل العاطفي ابو دميعة ، حلات الرجل يكون حنون ورومانسي لكن صلب وخشن وشامخ في شخصيتة ، ويمكن زوجك تنقصة قوة الشخصية وهالشي مو عيب بقدر انه منقصة لرجولتة ف لازم يولد في نفسة القوة والصلابة.

وبقولج شي الشخصية العاطفية مرة زعووووولة والمصيبة انهم يستمتعون بجو الزعل والترضي وللاسف ويطولون الخلاف لين يصير مخلل!!

ف أنتي كل اللي عليك الحين انك تتماسكين وتوضحين حق زوجك ان كل شي بوقتة حلو ، وبس تدخلين بيتة يسوي اللي يبية ويتمادى على كيفة ان شاء الله يوصل فيج القمر ، وشخصيتة العاطفية تقدرين اتعالجينها بشوية تطنيش (لما ايتزعل مثل الاطفال) وبعقلانية تصرفاتك معاة.

موفقة.

__________________
استغفر الله واتوب إليه