ياربييييييييه ياقلوب رفعتي ضغطي
متابعة موضوعك بشكل يومي ومقهورة على حالك ياخي إرحمي نفسك شوي
الود ودي الحين أنتفك أنتفك عالآخر
بعض تصرفات زوجك كانت دليل على إنه يبي يصالحك ويكسر الشر
بس حضرتك مخك مقفل الحين مو راضية تستوعبي وتبي يراضيك بأسلوبك وطريقتك إنتي
ليش إنتي ماتعلميه ؟؟ ليش ماتتعاملي معه بهالأسلوب عشان يتعود ويصير هو يبادر بهالشي ؟؟
ليه ماتتفقوا على استراتيجية معينه وقت الزعل إنه مايطول أكثر من ربع ساعة زي الأخت دانة سوريا ماشاء الله عليها
يعني الحين لما انتظر فترة عشان ياكل معاك لإنك صايمة مو تصرف حلوو ولطيف
لما وراك صور السمك وقال بحطها خلفية لجهازك وماعرف مو أسلوب تلطيف للجو
يعني جالس يتحركش بس بأسلوبه هو وانتي عارفة أغلب الرجال أساليبهم عملية جدا وبعيدة عن العاطفة
لما طلب تلبسين وطلعتوا المول تتمشوا مو دليل قوي على إنه خلاص يبي ينتهي الزعل ويطيح الحطب
لما الصباح يسلم عليك ويودعك مو دليل على إنه خلاص انتهت السالفة
بالله عليك شفتي أحد متخاصم مع زوجته ويكلمها عادي ويطلعوا سوا
ليه ماتلتمسي له العذر بأي تصرف يتصرفه وتحطين نية سيئة
وبعدين إنتي بآخر تصرف لك خربتي كل شي
هو الحين الفكرة اللي فباله إنك إنسانة تحب النكد والنكد بس
يعني حليلكم طالعين وتتمشوا وراجعين مبسوطين تقومي تغثيه
طيب جاك العذر الشرعي وإيش فيها ليه ماقلتي وعسى أن تكرهوا شيئا وهو خيرا لكم
ربي رايد لك الخير صدقيني بس لإنك مررررة تفكرين بهالموضوع بشكل كبير وتهوجسين فيها ف ردات فعلك مبالغ فيها
ترى غيرك محروم ومو بس كذا فيه ناس تتأخر سنة وسنتين وثلاث وربي يرزقهم كل شيء وله حكمة في ذلك
طيب مو لازم تقولي الحمدلله إنه زوجك مايقط لك كلام عن الحمل كل شوي والثانية ولا مثلا بعض الرجال
يهدد زوجته بالزواج عليها إذا ماحملت مرته أو يضايقها وينكد عليها
وكل هالأمور بيد رب السموات والأرض
على فكرة إنتي من النوع اللي تحبي تجادلي كثير وزوجك العكس تماما
وماخذة الأمور بحساسية جدا
زي ماقالوا البنات انبسطي ب حياتك قبل لاتجيبين عيال إنتي عروس عيشي حياتك
ترى العمر يقصر مايطول لاتقضيه بالنكد والهم والزعل

ركزي على ردود دانة ولكل شيء حد ترى ردودهم مو مثالية صدقيني لكن حكيمة ماشاء الله عليهم
والأعضاء ماشاء الله ماقصروا يعطيهم العافية

الحين تعالي أخاف تزفيني الحين إذا ماأعجبك ردي غضي النظر عنه سوي إنك ماشفتيه
موفقة يابطة

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو