أختي قلوب
فيه شي لازم اتعرفينة أنج مايصير تصومين إلا لما تستأذنين من زوجج ، لأن يمكن يجي اباله انه يمارس حقوقة الشرعية معاج ويلقاج صايمة وينزعج من هالشي ، ففي المرات الجاية لابغيتي تصومين استأذني من زوجك عشان ربي يرضى عليك وعشان زوجك بعد يحس بتقديرج له وإهتمامج فيه ، ويحس بتعمقج الديني.

احسك متسرعة بظنونك وما تلتمسين الأعذار!! والواقع اعتقد انه يختلف نهائياً عن ظنونك!! ليش ماقلتي مثلاً لأن زوجي يدري اني صايمة وماجاني وقبلني لأنه يخاف انه يجرح صيامي ، وعدم توديعة لي يمكن لانه نسى او انه يفكر في الوجع اللي كل شوي يجيلة في رقبتة (وفيه ناس يوسوسون بالمرض بشكل قهري لو تبطهم شوكة).

وإذا انتي مرة مزعوجة من هالشي داعبية وامزحي معاه وقوليلة ترى اليوم ماودعتني ولا قلتلي كلمة يالبخيل!! مع إبتسامة حميمية


عاملية بالحسنى لأن ربنا قال (وماجزاء الإحسان إلا الإحسان) ولا تفرطين بالحساسية الزايدة ، وعيشي حياتك بشكل محايد من غير حساسية زايدة ومن غير ماتفقدين إحساسك ، والنبي علية السلام قال في معنى حديثة "لا إفراط ولا تفريط" ، يعني امسكي العصا من النص.

والحياة والله يا اختي ليست رجل ، يعني لاتلغين شخصيتك وإهتماماتك عشان زوجك ، بالعكس ضيفي زوجك ضمن قائمة إهتماماتك بس ماتلغين إهتماماتك ونشاطاتك وهواياتك عشان زوجك.

سويلك برامج بالبيت تخليكِ أكثر إشراقاً وبعداً عن هالمشاكل ، وتعلميلك هواية او حرفة تنفعك وتسليك.

همسة!!
بنت أختي عمرها الآن 18 سنة الله يحفظها ويسترها وبنات المسلمين ، تعلمت من جدتها (أمي) الخياطة ، وأهتمت فيها لدرجة اننا اشترينا لها ماكينة خياطة ، وبدت اتصلح اثيابها الخربانة وثيابنا معاها من زراير ومن ترقيع وخلافة لين ماوصلت إلى حد التصميم.

وقامت تتمدد لين ماوصلت لهواية اخرى وهي أنها تسوي ميداليات وااساور بمحتلف الاشكال من البلاستيك الملون ، (وبالمدرسة ايام العيد الوطني كانت تبيع منهم للبنات هههههه البنت تاجرة فكرت اني اشاركها هههههه(طماع)

ف انتي يا اختي احسج من الفراغ الزايد تسوين كذا ومعيشة نفسك في دوامة من الحزين والمشاكل اللي والله مالها اي معنى.

موفقة يا اختي وتقبل الله صيامج إن شاء الله.

__________________
استغفر الله واتوب إليه