رد : تقدم لي شخص لكنه متزوج
اختي الكريمة بما إنه إجنبي أنا اخشى ان زواجه منك قصده مصلحه انتبهي البعض يتزوج بنت البلد للحصول على اشياء كثيرة ومن ابسطها الجنسية وكمان السجل التجاري اللي يقدر يفتح فيه كم شركة بإسمها ويحصل على بعض المميزات من الدوله بما إنه زوجته مواطنة والعبرة كثيرة الحين بنات الوطن اللي متزوجين اجانب ازواجهم يستفيدون من خدماتهم ومتى ما امتلئت البطون والجيوب قال لها يالله معي ديرتي او باخذ اولادي واسافر لبلدي وانتي خليك في بلدك الصراحة الأغلبية يسون كذا من الأجانب ومايتزوج الإجنبي بنت الوطن إلا في باله اهداف ولا تخفى على احد والفطين هو اللي يفهمها وش يدريك انه مو مفهم زوجته إن زواجه منك مجرد مصلحة ويكون جسر عبور له للوصول للي يبغاه من مشاريع وخدمات انا الصراحة من وجهة نظري إن الوحدة تعنس وتجلس في بيت ابوها ابرك لها من إنها تتزوج واحد يبغى يستثمرها يمصها شحم ويرميها عظم وفوق هذا يغص قلبها بأطفالها لو جابت له اطفال احتمال في اي لحظة ياخذهم منها ويسافر فيهم ولا تدري عن اراضيهم وين انتبهي للموضوع هذا زين حتى لو هو غني وعنده مال وفلوس هذا مايمنع انه يطمع في المزيد وان عنده طموحات ماراح يقدر يحققها إلا لو تزوج من بنات الوطن .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله