اريد النصح في مشكلة عدم محبتي لوالدي ونفوري منه
السلام عليكم ورحمة الله
شخباركم اتمنى تكونون بخير يارب ..
انا ياناس ماطيق ابوووي بالمرره .. هو مقصر علينا من نواحي كثيره والمشكله انه مقتنع انه معيشنا بسلام واطمئنان ..
المهم اللي ابي اقولكم اياه انه صار فيه نقاش حآآد بيننا وبينه وبحكم اني الكبيرة بالبيت رديت عليه بصراحه مطلقه وماخليت شي بخاطري الى درجة انه يحاول يسكتني وانا مستمره ماوقفت ..
من بعدها هو منجننن مني وهذا اللي صار اول مره يحصل ..
انا دايما بالبيت قليلة الكلااام جدآ يروح كم يوم وانا ماسولفت .. عشآن كذا هو مستغرب الكلام اللي طلع معي ..
واقسسم برب السماء ان كلامي صحيح وانا صادقه بكل اللي قلته بسس هو متفاجئ من جرئتي هالمره ويقول كيييففف ترادد ابوها وقال كلام يبين فعلا ان كلامي لسعه وجا ع الجرح ..
المهم اني لما سمعته يتكلم عني عند امي كرهته جدددددآ وبشكل لاتتصورونه هو قانونه ( ما أريكم الا ما أرى ) ..
وبعد هالسالفه صرت ما القي له بال ولا اناظره حتى ..
والى الان ماندمت ع صراحتي وقوة الكلام اللي قلته لانه حـــق ..
هو بعد فترة حسس انه غلط علي او يعني تحسف على ردة فعله وصار يسولف ويشاور على غير العاده يبي يزين الوضع ..
لكني خلاااااااااااااص طايبه نفسي منه من زمااااان وطبعا مشاعري هذي مو نتيجة هالموقف وبس انما تصرفات سابقه .. لكن هالمره بزياااده ..
هذي الحادثه من قبل رمضان وحتى الان لا اطيق النظر اليه واكره اوامره واستثقلها ..
حتى امي كرهتها ولا احب الحديث معها وفي احيان كثيره افكر بانها السبب في اوضاعنا هذه لانها امراه ضعيفه لاتعرف حقوقها ولا تحسن التدبير ..
اللي ابي اقوله اني كااارهه نفسي وكارهه عيشتي وحاسه اني بنفجررر من الوضع اللي سنين وانا عليه مافيه شي تغيرر .. وللاسف ازداد سوء ..
الان انا ماطيق ابوي ابدا وحاسه ان الوضع بيتفاقم لان ابوي مقدم ع التقاعد المبكر وكلها كم شهر ويجلس بالبيت وهو بطبعه بيتوتي وعاد تخيلوا الوضع وانا الحين متخرجه ..
حاسه الان ان حياتي مالها داعي .. اكره وجود ابوي بالبيت واتأزم وتشين نفسيتي اذا سمعت حسه واحس الدقايق دهررر ..
انا طبعا اعرف ان الوالدين مكانتهم كبيره وانا اعرف اني مقصره لكن كل هالاشياء اللي احس فيها ونفوررري منهم غصب عني ماتحملهم ابدددددا ..
ودايما احس اني غريبه بالبيت .. عشان كذا اغلب وقتي اجلس لحااالي ..واكره ان احد يجي عندي حتى صرت اكره الطلعات ..
وش رايكم كيييييف اعيش مرتاحة البال بظل هالوضع الكئيب..؟؟
كيييف اتقبل تصرفات ابوي اللي تنرفززز ..؟؟؟؟؟ و ع فكره كل اخوتي وخواتي يكرهونه وكل ماتمر الايام نزدااااد ..
انا بنت طموحه والحمد لله ناجحه وكنت التهي بدراستي واصبر نفسي ..
اما الان فقد انتهيت من الدراسه وتفرغت لهمومي ..
انا انسانه اقدم مستقبلي على اي شي اخر اي شي مهما كان لذلك انا قلقه جدآ من عدم مواصلتي لما اريد بسبب حالتي النفسيه والاحباطات اللي اعيشها كل يووم ...!
اتمنى ان تلهمون حل سحري لي ..!
وششكرآ لحسن الانصات ..
__________________
إنـي ابتليت بـأربع مـا سُلِّطوا --- إلا لـشـدّة شقـوتـي وعنـائي
ابليـس والدنيا ونفسي والـهوى --- كيـف الخلاص وكلهم أعـدائـي
بمـعية الرحمن ونـهج حبيبـه --- أبــلغ بـإذن الله رجـــائـي
التعديل الأخير تم بواسطة روح المساء ; 24-11-2012 الساعة 10:23 PM
السبب: العنوان ليناسب الطرح