رد : ناوي أرتبط بفتاة أحلامي ولكن فرق العمر!!
أختي Cry مشكورة على مرورك العطر ولي تعقيب على ردك الرائع
أولاً
بالنسبة لي أنا مقتنع فيها وكلامك صحيح ..وبالنسبة لي والله ما أعتبر فرق العمر عائق بيننا أبداً
ثانياً:
البنت فيها كل الصفات إلي يتمناها أي رجل بزوجته ونحن نعرفهم من زمان وبيننا عشرت عمر.. حتى إني أتذكر الشيء
البسيط من شكلها لما كنت أشوفها قبل أكثر من 15 سنة .. وإسمها ما ينذكر إلا بكل خير ..ومستحيل أهلي كانوا يتعمدوا
يزينوها لي أو يمدحوها قدامي لأنه مثل ما أنتي عارفه ماهم متوقعين أبداً إني أفكر فيها كزوجة بسبب العمر "ظلم المجتمع"
بس قبل ثلاثة شهور تقريباً طلبت من أهلي يشوفوها لي لأن أمي الله يحفضها كانت تبي تدور لي على بنت وأنا كنت أرفض
أي وحدة تجيبها لي وأدور فيها أي عذر عشان أرفض وحتى الآن ما حد يدري أني أحبها من زمان إلي أختي صارحتها
وقلت لها إني أفكر فيها من 6 سنوات وعاتبتني أني ما كلمتها من قبل عشان يخطبوها لي .. بس ضروفي ماكنت تسمح لي
أتزوج وأنا ما أبي أتقدم لها إلا وأنا مستعد عشان أقدر أسعدها والحين الحمد لله ربي فتح علينا وما أبيها تضيع مني.
ثالثاً:
بالنسبة للمظهر هي فعلاً تبان أصغر مني بكثير بالرغم من أني ما يبان علي أن عمري 28 سنة وأي أحد يشوفني يعطيني أقل
من عمري ومع ذلك شكلها يبان أصغر مني .. وفي النهاية أنا والله ما يهمني شكلها أبداً حتى لو شكلها يبان أكبر من عمرها ما تفرق معاي أبداً
وفي نقطة شجعتني أكثر لما عرفت أنها من النوع المثقف الهادئ وفيها أنوثة ونعومة نادر تحصلها في بنات العشرين هذه الأيام..
شاكر لك مرورك الكريم ..وتعليقك الي يدل على رجاحة عقلك ..الله يسعدك دنيا وآخرة
وإن شاء الله عاجل غير آجل تغيري معرفك من Cry إلى Smile وتكون كل حياتك سعادة وفرح
التعديل الأخير تم بواسطة حبر سائل ; 20-09-2012 الساعة 12:44 AM