رد : ناوي أرتبط بفتاة أحلامي ولكن فرق العمر!!
اقتباس:
المشاركة الأصلية كتبت بواسطة ٍأسمهان
بصراحة لازم تحسبها صح و تدرس أولوياتك ،، صحيح إنه زواجك مهم ( بس لسه أنت مو متأكد من إنها بتوافق أو لا) ؛ فالأفضل إنك تركز على شغلك و لا تخلي مثل هالموضوع يؤثر على مستقبلك الوظيفي لأنه الحياة (فرص ما رح تتكرر) ، و إذا لا سمح الله ما صار لك نصيب فيها بتقول يا ريت لو ما خربت على نفسي و وظيفتي ،،
و نصيحة مني لا تكون انفعالي و تخلي أهلها يضغطون عليها أو حد يضغط على أهلها ،، أنا و الله رفضت واحد بس بسبب إنه انفعالي بزيادة يعني راح عند شيخ قبيلتنا عشان يضغط عالوالد و راح عند خالي و عشرين مرة عند أبوي يزن أنا يوم شفته جيه ما يصبر و لا يعطي فرصة للواحد يفكر ،، سيده رفضته لأنه إذا ما صبر الحينه شو بيصبره عالزواج و متاعبه بعدين ،،
الله يعينك و يصبرك ،، و ركز في شغلك و رد اسألهم بعد أسبوعين ،، و عطيهم بالصريح في او ما في نصيب ،،
الله يوفقك يا رب
|
مشكورة أختي على ردك الرائع والله يرزقك الزوج والذرية الصالحة
بالنسبة للشغل بإذن الله راح أحاول أركز عليه بس والله مو بيدي يعني كل ما أقعد بيني وبين نفسي أقعد أفكر فيها 
أما موضوع إني إنفعالي لا والله بالعكس ومستحيل أرضى أخلي أحد يضغط عليها سواءً بالرفض أو القبول
بس كل مافي الموضوع أنهم ماهم عارفين إن أهلي يبون يشوفون بنتهم لي وأنا فكرتي بأن أختي تفاتح البنت
لوحدها كان هدفها أخليها هي إلي تفكر بدون أي ضغوط من إلي حولها وأقسم بالله لو أحس إنها ما تبيني بإقتناعها
الشخصي راح أنسى الموضوع وكرامتي ما تسمح لي أخلي وحدة تعيش معاي وهي مجبورة أو ندمانة على إختيارها
بإذن الله الأربعاء أو الخميس القادم راح تتم الزيارة وأختي (الله لا يحرمني منها) بتكلمها 
اللهم إن كان زواجي منها خير لي في ديني ومعاشي وعاقبة أمري وعاجلة وآجلة فأقدرها لي ويسرها لي ثم
بارك لي فيها ... وإن كان زواجي منها شر لي في ديني ومعاشي وعاقبة أمري وعاجلة وآجلة فأصرفها عني وأصرفني
عنها وأقدر لي الخير حيث كان ثم أرضني به..
لي أكثر من 6 سنين أفكر فيها وساكت وصابر وإن شاء الله ماراح تفرق كم يوم زيادة 