رد : تركت زوجتي لبيت للمرة السادسة
سبحان الله استغربت من الردود خاصه من حريم وامهات
الطلاق والكلمه الي صارت تردد على شي يسوي ومايسوى*
اولا بنات يكبرون بعيد عن عين امهم او ابوهم حرمان من اسرة
الزوجة والكل يعرف حال المطلقة تكون سلعة لحثالة القوم ويمكن تتخلى عن فلذة كبدها وهم ضحية*
الزوج الي هو اقل خساير اذا كان عديم الضمير الغالب اذا بحث عن زوجة الغالب فتاة صغيره وجميلة ماتوافق على مطلق ومعه اطفال ، كثير تشرط انه ماتعتني باطفاله وفعلا الانسان يالله يتحمل عياله كيف عيال غيره وراح يظلمها اذا اجبرها وظلمه لها راح ينقلب معاملتها لبناته غير الوحده والغربه الي راح يعيشونها بين اخوانهم
وعلى كلمه جدتي زينه العيال بين والديهم *
هذا كله اول الطلاق*
بعده اذا البنات تزوجو راح يكونون في اي غلطه *يعايرها بأمها المطلقه ويقل الامان لهم ولو راحت تكون بين زوجة اب وممكن زوج ام والبيت الي امان لهم لا يوجد*
ضميركم والانسانيه تقول اي حل تتكلمون عنه في *الطلاق*
هي مو رد كرامات او مسألة من يفوز الحياة تضحية واهي حياة جبلت على الكدر والكل عنده مشاكل هل معقوله نقول فرق اسرتك وتخلى عن زوجتك والفراق اصعب شعور في الحياه
وكله عشان البيت مومرتب طيب خدامه
طلعت من البيت عادي امها وهو عارف وين راحت وواثق وترفه عن نفسها وتتسلى وخلها تستانس*
جمال الحياه في البساطه ونسهل الامور تسهل
اذا على طلعتها وتقول مو راجعه ياخذها بالعقل وفي الاخر هي حرمه تمشي بالكلام الحلو
*العزايم وعشاء وغداء الله يجزانا لو اطعمنا حيوان كيف اذا اطعمنا انسان وفرحناه وفيهم الارمله والمطلقه ويمكن محتاجات ماراح يضرك واحتسب وتفاهم مع زوجتك مو كل مره تطلب
ولصاحب الموضوع ولكل رجل يفكر بالطلاق " كفى بالمرء اثما ان يضيع من يعول "
رفقا بالقوارير ،*خياركم خياركم لأهله
الحياه ايام وتنتهي لا نضيعها واذا الانسان غض الطرف عن الامور هو يرتاح ويريح غيره*
واذا الزوج صبر على زوجته و الزوجه صبرت على زوجها صبرهم ماراح يضيع اذا ماشافوه ثمرته في اطفالهم يشوفونه في الجنه (*انما يوفى الصابرون اجرهم بدون حساب)
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه