المشاركة الأصلية كتبت بواسطة JAN VALJAN

فعلا مشكله والمشكله عند المتزوجات أكثر منها عند المتزوجين.
صدقت.. وهذا الغالب.
أنا كرجل لاحظت بعض الرجال يتكلمون عن زوجاتهم كلام عادي لكنه سيء مثل ما تهتم فيني زوجتي همها نفسها وشكلها قدام اهلها, تزوجنا نبي نرتاح وتعبنا أكثر وقد يشتكي منها وأهمالها أو من تدخل أهلها. أو ممكن يتكلم عنها بوصف قبيح مثل الخايسه الدلخه النشبه. وفي الغالب يكون الرجل يصارحها بالمشاكل هذي أو الأوصاف يعني ما يظهر لها شي ويخفي شي آخر.
ربما هذا.. لكني أرفض وأمقت الرجل الذي يتكلم عن زوجته بهذه الطريقة.
المشكله أكبر في جلسات الحريم تحصل كل وحده تسب زوجها وتلعنه زي سلام عليكم وتقول ليتني ما تزوجته وتقول عنه جاهل أو معقد أو أي وصف قبيح وممكن تصف حياتها معه بأنها عذاب ونكد وأنها تكرهه وأنها كانت تعتقد بأنه غير كذا قبل الزواج, أو ممكن تستهبل وتقول عنه المملوح أو الدب. بينما قدام زوجها تمدحه وما تبين له وممكن تكذب عليه وتقول الحريم يقولون عن ازوجهم كلام شين وانا اقول عنك كلام حلو وهو ما حصل.
هذا موجود.
طبعا أعتقد بأن جزأ من المشكله هو أن المرأه تخاف من العين ولازم تبين للحريم انها مو مبسوطه في حياتها مع زوجها عشان ما يحسدونها.
بعضهن يفعلن هذا للسبب الذي ذكرت أنت.
المشكله تحصل وتتكشف الأوراق حين يصل الكلام للطرف الآخر.

أن تشتكي لصديق تثق فيه من مشاكل البيت هذا أمر عادي وقد يكون مفيد ولكن المشكله السب والشتم والكذب وعدم الصراحه مع الشريك والنفاق والاستهزاء.