رد : ماذا تعلمت من شريك حياتك ؟
وعليكم السلام حبيبتي اونا مع موضوع رائع كما تعودنا
تعلمت من زوجي الصبر وعدم كثرة الانتقاد
لاني انتقادية بشكل كبير واشكك في كل شي وهو عكسي
انا ماوثقت فيه بسرعة وعذبته في البداية بس بعدين صرت اثق فيه لانه علمني الثقة مااقول الثقة التامة بس احسن من اول وكثير شكوك كانت مزروعة في بالي وراحت الحين ولله الحمد
هو شنو تعلم مني ؟ امممممم في البداية عذبني لانه غامض وكتوم مايقول الي بخاطره وتعبت معاه لهالسبب بس انا بدأت اسولف وياه عن طفولتي مثلا ومواقف مريت فيها اسولف عن الاشياء الي احبها لحد ما صار هو بنفسه يجي يفتح معاي مواضيع وفرحت لمن مرة بنفسه قام يسولف عن اشياء حلوة في طفولته
هو مايحب يذكر طفولته لان ابوه توفى الله يرحمه وهو كان عمره 12 سنة تقريبا فأحس لمن يتكلم عن طفولته يتألم على فراق ابوه بس شوي شوي تغير وانا صرت اشجع فيه هالشي
والتحسن ملحوظ يعني اذا مثلا اتصل بالليل يقولي كل شي سواه بالنهار
لان احنا مملكين بس عشان ماتختلط عليك الامور ههههه
وشكرا على الموضوع مرة ثانية
التعديل الأخير تم بواسطة أحب خطيبي ; 26-09-2012 الساعة 03:46 PM