رد : دعواتكم الصادقة لأختكم في الله
اقتباس:
المشاركة الأصلية كتبت بواسطة نيوتيلا
الله ينصرك ياغالية ويفرج همك ويظهر الحق ويسخرلك عبيده
|
الله يجزاك خير اختي الكريمة وبارك الله فيك يارب.
اقتباس:
المشاركة الأصلية كتبت بواسطة اوناا
ام سلطان طمنينا شن اخبارك
ان شاء اله النفسيه احسن
امس حلمت بك ^_^
|
حياك الله اختي الغالية اوناا وجزاك الله خير على اهتمامك وسؤالك اللي وبكل تأكيد غير مستغرب منك والحمدالله ان شاء الله إن النفسية احسن بالرغم من مافيها من جرح وانكسار لاكن الله كريم هو عالم بالحال وش اسوي غير إني ادعي الله ان يحل هالمشكلة وترجع المياه لمجاريها انا طرحت المشكلة بين يدين واحد من اخواني وهوعارف بكل شئ والتفاصيل بس هو حاليا ماراح يكون متواجد عندهم الا وقت عيد الأضحى وقال لي انا راح اناقشهم في الموضوع وماراح يصير إلا اللي يرضيك وحقك راح يوصلك ولا يصير خاطرك إلا طيب وانا ماراح اسمح لأي احد يظلمك او ينتقص من قيمتك وقدرك وانا عارفك اكثر منهم كلهم وواثق من كل كلمه قلتيها وماعليك فيهم اي شئ تسمعينهم يقولونه لك الحين او يوصلك منهم امسحيه بوجهي وان شاء الله بمجرد ما اروح لهم في اجازة العيد راح اجلس معاهم واناقش المسؤله عن هاذي السالفة كلها وماراح اتركهم الين الحق يظهر بعون الله
والحمدالله انا صابرة ومحتسبة وادعوا الله ان يكشف الغمه لاكن تمر عليه لحظات اكره عمري فيها لما اتذكر الموقف اللي صار واحس نفسي بنفجر من القهر واتعب واعصب حتى على اولادي وزوجي كل ما اتذكر السالفة وتجيني شحنة غضب احطها في الضعوف اللي عندي وفي النهاية اندم وينحرق قلبي عليهم واعتذر منهم واراضيهم بس بعد ايش مايسمعون مني كل انواع الكلام الجارح اللي يكسر خاطرهم الله المستعان على كل الأحوال وربي يصبرني وينزل علي رحمته ويفرجها من اوسع ابوابه بإذنه تعالى
وانتي يا اوناا ماحلمتي إلا بوجهي المتعوس اخاف يزيدك على مافيك من هم وضيقة
الله يفرج همنا ويصلح احوالنا واحوال المسلمين يارب واسأل الله ان لايكلنا إلا انفسنا طرفة عين
وحفظك الله وبارك الله فيك وجزاك الله خير.
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 03-10-2012 الساعة 06:04 AM