رد : أصلح بيتك الأول بالزواج من زوجة أخرى.
كان زمان فعهد امي وخالاتي الزواج بالثانيه عادي جدا جدا ويعتبر من اهم العادات بينهم
ومن الضروري ياخذ الثانيه ومن دون سبب
لدرجة انه مافيه لا ارمله ولا مطلقه ولا عازبه الكل متزوجات وعايشات مع بعض كل وحده لها قسمها الخاص فالبيت
اذا اليوم الزوج عند الأولى يصير الطبخ والاكل والتنظيف كلها عندها بمشاركة الزوجه الثانيه وبناتهم
ومافيه فرق بين بنت هذي وبنت هذي لدرجة احيانا نلخبط بينهم مانعرف هالبنت لمين فيهم
واليوم الثاني عند الثانيه ونفس الموال ينعاد
ونادرا جدا تصير اختلافات بس من وجهة نظري السبب الوحيد هو الزوج وبإعتراف الزوجات
بس ذحين كأن الزواج بالثانيه صار من اعظم المصائب والعياذ بالله
مع ان قبل سنتين تزوج عندنا من الشباب بالزوجه الثانيه ( وماشاء الله الوضع كأنه مثل ايام زمان
لأني سمعت انهن يروحن السوق مع بعض والقهوه كل يوم عند وحده وغير كذا شفتهن مره بزواج يتكلمن مع بعض عادي
اصلا جايات بسياره وحده سيارة ولد الأولى الله يديم الانسجام يااااارب بينهن )
واشوف لو زوجي وزوج كل وحده اخذ الثانيه بيصير موضوع التعدد عااااادي
بس المشكله ان الأزواج الله يهديهم خوافين
خايف انه يدخل بدوامة مشاكل مالها اول من تالي
او انه يخسر زوجته الأولى او او او
تصدقون احيان امي تقول بزوج فلان تقصد زوجي او زوج اي وحده من اخواتي
( بس انا مره تجرأت الله يهديني وقلت لها يمه لو سمحتي لاعاد تقولين كذا ترى انا ازعل
اللي يقهر ان امي عااااادي تهرج عند زوجي ماعندها مشكله )
ولما افكر بيني وبين نفسي اشوف انها واذا تزوج وش بيضرني ماضر اللي قبلي الا بالعكس
يتعاونن على هالزوج المسكين
طيب مثلا الزوجه نفاااااس مين يقوم بمتطلبات الزوج ؟ ترى مشكله ومشكله عويصه بعد ولا يتنفس معها !
لا وبعضهن الله يهديها اذا ولدت راحت عند امها وجلست اربعين ليله كااامله ( الله يخلف على الزوج والصراحه اشوفه يستاهل ليه ما أخذ الثانيه من بدري )
( طبعا مايحتاج نعيد ونزيد ان ضروري يكون فيه عدل وفيه التزام بالواجبات لكلا الزوجتين ) هذا امر مفروغ منه
اذا طرى فبالي اي شي بجي هنا وبقوله ( احتمال بعد كم يوم اغير رأيي واعارض وبشده بعد )
حاولت الكتابه بالفصحى بس ابت ان تأتي معي كما اشاء
الله يهديني ويصلحني ويكتب لي الخير وين ما اكون
بسم الله توكلت على الله اضافة رد سريع ان شاء الله
__________________
التعديل الأخير تم بواسطة وابل الندى ; 04-10-2012 الساعة 05:52 AM