رد : أصلح بيتك الأول بالزواج من زوجة أخرى.
الصراحة يا اخواتي الغاليات الزوجة اللي ماتراعي حقوق زوجها ولا تهتم فيه ومو مرتاح معها وعجز زوجها عن إصلاحها بشتى الطرق هنا يحق له الزواج من اخرى مو علشان يكسر راسها ويأدبها بالزوجة الثانية لا علشان يلاقي زوجة تهتم فيه وفي حقوقه وتراعيه وتقوم بواجباته يجوز ربنا يعوضه في زواجه الثاني بزوجه طيبة وبنت حلال تعطيه المعامله الزينه اللي كان يتمناها والأولى ان صلحت فراح تصلح لنفسها ومصلحتها وان خربتها بتخرب على نفسها اما هو يشقى ويتعب ويتودد وينفذ لها كل طلباتها ومريحها وهي منكده عليه عيشته ومبهذلته هذا مايصلح كل واحد يتزوج يبغى الستر ويبحث عن سعادته وراحته مايبحث عن العناء والتعب والهم والغم
واخيرا الرجل لو بغى يتزوج ماراح يحتاج لإذن من زوجته خصوصا لو كان مقتدر ولو دقرت براسه والله لو عنده منها 10 عيال ماراح يهمونه لا عياله ولا زوجته وبيتزوج بيتزوج لامحاله مادام عنده الرغبة والقدرة وزوجته حتى لو طلبت الطلاق ماراح تهمه مادام انه عنده بديل لها الرجل لو فكر في التعدد وصمم ما احد بيرده لا زوجة ولا اولاد ولا اهل اهم شئ عنده يحقق غايته ومناه وبس
والزوجة الثانية لها فوائد ترى غير كذا لزوج ولزوجة الأولى
اولها فائدة الزوج وهي انه لاسمح الله زوجته الأولى توفت قبل الثانية مايكون الزوج وحيد لحاله تكون عنده زوجه تهتم فيه وتراعيه وتقوم بشؤنه لما يكبر بالسن واولاده كلهم يتزوجون ويروحون عنه راح يصير وحيد لاكن لو عنده زوجة ثانية تهتم فيه وبإحتياجاته الأولى راح تكسب اجر هالشايب بعد عمر طويل
واما فائدة الزوجة من الزواج الثاني لو سمح الله ومات الزوج قبل زوجاته زوجته تلاقي لها وحدة تونسها وتسولف معها على كبر سنها ويتصادقون ويصيرون مثل الأخوات مدام ان اللي كانوا متحاشرين عليه توكل على الله اكيد بيتصاحبون ويصيرون اصدقاء ويذكرون ايامهم الماضيات في ظل وجود صاحب السمو
وكل ماجابوا طاريه قالوا الله يرحمه ويغمد روحه الجنة فلان
ياالله ياحضه بيكثر الترحم عليه
بس لو ماكان عادل الله يكون في عونه من الدعوات اللي بتجيه
الأخ الفاضل البليغ اول مالمحت عنوان الموضوع الصراحة راح ظني بأنه اللي طرحه الأخ الكريم مستشار الحب حسبته الجزء الثالث من سلسلة مواضيعة واستغربت انه انت اللي طرحته لأنه بصراحة ماعمري شفت لك مشاركة تنصح فيها بالتعدد لأي عضو يعاني من مشاكل مع زوجته هذا اللي انا شفته
غيره الله اعلم بذلك عموما الحمدالله انك للحين صامد وما صار هناك انهيار وجزاك الله خير وبارك الله فيك
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة شقـردية ; 05-10-2012 الساعة 05:44 PM