إقتباس : بعد إذنك اقول زوجتك هذه مو مؤدبة ابدا ولاتعرف معنى الحب والعشرة ..
أولاً ياأخ متعاطف .. هذا مش أسلوب في الرد ياأخوي .. لأن إحنا مانبغي نتهاوش .. إحنا كل اللي نبغيه هو الحل الصحيح .. والرأي السديد .. والالفاظ الراقيه ...
ثانياً ياأخي الفاضل (الكيف) .. مافيه أحسن من المصارحه بين الزوجين .. صارحها وقولها أن كلامك يجرحني كثير ويخليني أفكر بالزواج من إنسانه ماتجرحني مثلك .. قولها .. إحنا بشر مو ملائكه والانسان طبعاً يخطي .. وأنتي عارفه أن هذا الشي صار وخلاص أنتهى .. ورجاءً لاتفتحين معاي الموضوع مره ثانيه ... قولها أن رب العالمين رؤوف رحيم ويغفر للانسان زلاته وأنتي يابنت حواء ماتغفرين لي هذي الغلطه !!
المفروض ياأخي الفاضل أنك تفهم حرمك المصون أن اللي فات مات .. وهي عليها من اليوم وبكره واللي بعده .... خل تصحى لنفسها وتفكر قبل لايفوت الفوت .... يمكن هي المسكينه ماتدري أنها بكلامها ذاك تجرحك .. يعني مافيه أحسن من المصارحه .. المصارحه .. المصارحه ...
وتقبل فائق احترامي لك ولحرمك المصون ... والله يحفظكم من كل شر ويبعد من بالك كلمه طلاق ...