رد : اخواتي.. العقد الفريد/اوونا/غزلان/noora/ سرب الخيال...
تسلمي حبيبتي ..يارب ماتفقدي غالي ..
برد عليك بنقاط عشان ماتضيع نقطة هنا و لا هنا 
|
** موضوع الصلاة .. واااضبي عليه ..ودام انه يستجيب فالحمدلله
كملي معاه مرة باللين و مرة بالنصح المحبب ومرة بالحوار الهادي و مرة بسواله هل يرضى
ابنه مايصلي او انه ربي يعاقبه بابنه بعيد الشرالله يحميه .وباذن الله يستجيب وتكسبي اجره
ولا تنسي بقيام الليل تدعي له .
** اول ماتمري بموقف يرفع الضغط و تحسي انك بتردي خلاص مو قادرة .. اتعوذي من الشيطان
و على طول ادخلي غرفتك او استاذني انه وراك شي .. المهم تطلعي نفسك من الموقف فورا
واذا ماقدرت فقط تذكري (الصصصصصصصصصصصصصمت )
ومرة على مرة باتتعودي..
**موقفه من دراستك موقف والنعم فيه وطالما انه راضي ماحد له شي عندك
وصدقييني اي حد يقولك غير كدا بيكون غيييييييييران ..لانه قوليي لي وين الرجال الي
بهالزمن يرضى ببعده عن زوجته و ابنه (وشددي على ابنه) عشان دراسة زوجته
قلت لك مريت بنفس الموقف و كنت اسمع عن ناس يتكملو ورا ظهري
كيف اني زوجة هبلة سايبة زوجي واجري ورى شهادة واخرتي بالبيت
وكيف اني عودت زوجي على بعدي
وكيف هم ازواجهم يحبوووهم اشد الحب الي مايخليه يفارقها !!!
وكله من الغيرة لانه كلهم ماكملو تعليمهم
والان خلصت و مستقرة مع زوجي و عيالي اللهم لك الحمد و شهادتي معي
والان من ذم ..يذكرني مثل لعياله اني كملت و انا متزوجة و عندي طفل ..
فا شيلي كلامهم من راسك و اعرفي كيف تردي عليهم بانه زوجك من حبه فيك
بداك على نفسه و يهمه مستقبلك ونه مو اناني يبغاك بس تطبخي وتمسحي وتكنسي الخ ...
** الرد الي قلت لك عليه ..كان بيخليه فعلاااا يندم وماعاد يعيدها و يسعى بكافة الطرق
اما ياخذك فندق لحالكم او يدور صرفه لاخته عشان يعرف ايش كنتي مجهزة له ..
بس قدر الله وماشاء فعل.. و باذن الله المرة الجاية باي موقف يصير
فكرررررررررررررري بردة فعله لتصرفك قبل ما تقولي او تتصرفي
** طالما انها تعمل مفعول استمري بالرسايل هذه ..مرات زيدي الجرعة و مرات نقصيها
** لا عاد ترسلي له اي رسالة الان ..خليه على راحته ..
لسه في فترة عالعيد ..
ممكن تستني 3 او 4 ايام واذا مارد عليك باي شي .ارسلي له رسالة اخيرة
انك تعبانة و انه لازم يجي ياخذك المستشفى .. بعيد الشر عنك
وبس يجي على بيت اهلك دخليه غرفة الضيوف و احضنيه وقولي له من الكلام الجميل
ما يبين مدى حبك واشتاقك له وانك بالفعل تعبانة لانقطاع التواصل بينكم
وشوفي ساعتها على ايش بتتفقوا ..
** موضوع الرسالة الي بالجيب ..قصدي اذا اجا يسلم على والدك .. تعطيه ياها بجيبه وهوطالع
يارينول تبات جمر و تصبح رماد و باذن الله كلها فترة وترتاحي من اخواته باذن الله
وزي ماكسبوه هم .. انتي كمان باذن الله بتكسبيه بطيب المعشر و الكلمة الحلوة
ربي يوفقكم و يسعدكم و يحمي لكم ابنكم
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله