رد : هل هذه هي الطريقة الوحيده لكي نتزوج ؟!
اقتباس:
المشاركة الأصلية كتبت بواسطة لكل شي حد
أختي الفاضله... انا اختج مب استاذ... شكلي بغير المعرف علشان خاطر كل شخص يغلط و يتحراني رجل 
بصراحه يا حبيبتي... هذي عادات و اشيا احس ان صعب تغيرينها...
و بعدين منو قال انها الطريقه الوحيده....
ممكن تكون الطريقه الأغلب.. و لكن ليش ما نشوف الطرق الأخرى... عائله صديقه تحبج و تباج لها و تحس انج بتكونين زوجه مناسبه لولدهم..... انا انخطبت مرتين بهالطريقه بس ما صار نصيب... طبعا انا وحده بايعه الزواج بيعه... شالتنه من بالي  و عايشه حياتي بالطول و العرض 
و لكن اتفهم كلامج عن حاجتج لأطفال و شريك حياه لأن هذه هي الفطره السليمه...
طيب ما عندكم نظام الخطابات ؟
احنا في مجتمع يبحث للرجل و لا يبحث للمرأه... مع ان المثل يقول... اخطب لبنتك و مب لولدك... او شي جذى |
جد اعذريني يالغالية على التخمين الغلط .. اكيد بنت واحلى البنات بعد ..انا اسفه
موضوع صديقة تخطب لصديقتها , هذا الشي ما صار ابدا بالنسبة لي ..مو سوء تقدير من صديقاتي لا ابداً.. لكن أكثر صديقاتي هم من قبائل معروفة ..من الناس اللي تزوج بنت العم لإبن العم ,وهالمسألة حساسة جدا بالنسبه لهم ...
أنا وضعي مختلف , في عائلتنا 3 شباب ,هم أبناء عمومة ,2 متزوجين خواتي الكبار , وواحد متزوج بنت عمي الكبير ..
يعني لو ربي كتب لي , مافيه مجال الا يصير واحد مايقرب لي ...
لحظه ,تعالي قولي لي , ليه شايله الفكرة من راسك ؟؟
كم عمرك اساسا ؟؟
من تجربة أقولها لك ,, مهما وصلتي من تعليم , وخبرة وحياة , مارح تكمل فرحتك الا بزوج يصونك ويحبك ..
موضوع خطابات ,وكلام فاضي ...انا بجد مااحتاجه ..
جميلة جدا بشهادة الكل , ومتعلمة , وخلوقة ,ومافيني أي عيوب ..ليه اضطر لخطابة ؟؟
شكرا على ردك ياغالية ..
__________________
(دعواتكم لي)
أن أجد حب حياتي بين الأحياء..!!
التعديل الأخير تم بواسطة شقـردية ; 09-10-2012 الساعة 02:30 PM