مبدا التاجيل مش موجود لانه احنا البنات و كمان الازواج نعطي اذوننا للغير ..
لوكل اثنين عملو زي ماعملتي و سدو اذونهم عن الناس
بتنتشر فكرة التاجيل ..
لكن للاسف البنت تسمع لامها و اختها وتحمل قبل حتى ماتعرف زوجها ايش من طبخة يحب
!!!
شوفي بالعادة .. الوسطات ومادري ايش تصير اذا في اطفال ..
لانه اهل الزوجة (في كثير من المجتمعات ) في احسن الاحوال بيكون من الطبقة المتوسطة
يعني يالله بمصاريف عيالهم مو ناقصين كمان عيال بنتهم
وكمان مالهم حيل للمحاكم و قضايا الحضانة .. فا خلاص بنتهم ترجع و تتعب
بس يقولو على الاقل عيالهم عند ابوهم ملزوم بهم .. احنا ايش علينا
لكن لو الزوجة بدون اطفال .. يكون الموضوع نوعا ما اسهل
شوفي احنا بنعيب على المجتمع و بالنهاية ايش هو المجتمع
هو انا و اهلي و جيراني و الي حولي .. لو كل واحد بدا من نفسه و الي حوله
راح ينصلح الحال .. بس للاسف احنا بنتكلم و كله نفسي نفسي ...
ابسط مثال .. بنتكلم عن المطلقة و انه المجتمع بينتقدها و بيحاربها
عشان كدا لازم الزوجة تتحمل كل انواع القهر و تحمل لقب متزوجة
ولو جيتي للحقيقة احنا انفسنا بنساهم في هذه الفكر .. فلو اخوانا العزاب فكرو بمطلقة
امي ماراح توافق و احنا بنقنع اخواننا يفكرو مرة ثانية و ثالثة .. رغم انه ممكن انا او اختي نكون بموقعها يوما ما ..
فالازم بصدق بصدق نبطل الازدواجية الي عايشينها و نغير من تفكير انفسنا
واهالينا و عيالنا (هذا ابسط شي) وباذن الله بينصلح الحال بعد فترة