رد : بنتي الصغيرة وما تعانيه
حياك اختي الغالية بشرى واسعدك الله في حياتك والله وانا اختك ماخليت شئ من الحركات اللي قلتي لي عنها إلا وسويته لاكن هي البنت كمان سالفة الباب صار لنا موقف انا وهي واختها كنا رايحين سيرنا على ناس من اصحابنا وكنا سهرانين عندهم ولعبت مع البنات وانبسطت على الآخر ولما جاء ابوها بياخذنا وقف لنا بالسيارة في الشارع واتصل عليه وقال انزلوا انا انتظركم طبعا البيت اللي كنا فيه بالدور الثالث فلما نزلنا لدور الأول كانت الإضاءة فيه مطفية بشكل كامل بس كنت اشوف باب العمارة مقفل مسكت يدها هي واختها الين قربت للباب وجيت افتح الباب دورت ماحصلت الزر اللي تضغطه وينفتح الباب احط يدي شمال يمين ادور ماحصلته وهم شافوني ادور البنات قاموا يصيحون فكي الباب افتحي الباب وحاسوني بزيادة حتى مفاتيح الإضتءة ماحصلتها علشان اشغلها وافتح الباب المهم ضغطت الباب شوي جت اصبعي على زر ضغطه وان الباب انفتح حينها البنات سكتوا وطلعنا والبنت الصغيرة ركزت على لون الباب الخارجي من اضاءة الشارع وحفظت اللون ولون الباب احمر وبعدها صارت لها هالأحداث هاذي خوفها من الباب الحين كل ماشافتني اتجهز رايحة مكان تسألني وين بنروح عند الباب الأحمر انا مابروح هناك ولا ابغاك انتي تروحين انا اخاف عليك الباب هناك مقفل وماينفتح وهذا سؤالها الدائم واتوقع ان مشكلتها مع سالفة الأبواب سببها هالموقف لأن ماكان يصير لها شئ إلا عقب سالفة الباب هذا
وانا دائما اطمنها واقول لها ان الأبواب تنفتح وحتى لو ما انفتحت عندنا قوة نكسرها لاكن والله تسمعني شوية وتعقل وعقبها ترجع لسالفتها
بالنسبة للخوف من الطلعة والروحة مع ابوها انا جلست معاها جلسة ودية وسألتها ليش ياماما تخافي ماتروحي مع بابا ايش سوى لك بابا علشان تزعلين منه وبطلتي تروحي معاه صرخ عليك ضربك سوى لك شئ قالت لي انا مابروح مع ابوية علشان هو تركني في السيارة ونزل يسولف مع الرجل اللي واقف جنبنا سألت ابوها قال ايوه صح انا تركتها ونزلت اسلم على زميل لي في العمل وكان واقف جنب سيارتنا مو بعيد عنها وكان عندها اخواها واختها اللي اكبر منها يقول انا شفتها تصيح حسبت احد من اخوانها ضربها او شئ لما رجعت لقيتها زعلانه ليش مانزلتها معاي طبعا هالمواقف صارت لها قبل المواقف اللي ذكرتها بالأول بس نسيت أاقولها فب البداية والحين هي باقي مصممه على رأيها ماتبغى تروح ولا تطلع إلا انا معاها اخوانها يروحون ويجون مع ابوهم وهي لا تجلس عندي في البيت ماتروح معاهم ابد
عموما الله يجزاك خير ردك اعطاني بارقة امل انها سحابة صيف وتعدي ان شاء الله تعالى والله يسلمك ويجزاك خير يارب
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله