انتي تبغي بعدين اروح اشتري لك الاولويز حقك انا هنا انصدمت قلت وش هالكلام
انا بشهر العسل حسيته حرك مش بارد وللامانه كل شي كان مضبط صحيح ماكان فيه رحلات داخليه كثيره بس ماحسيت انا ضايعين وهو كان القيادي بحكم انه مسافر مرتين لهل الدوله وعارف لها زين وهذا للي خلاني اتحمس اتغرب معاه
كتت راسمه ان طليقي كان بيكون معاي رايق ويتخلص من تاثير الاصدقاء والام وبكون انا وياهوبحس ان عندي رجل وسند ندرس ونتمشى وننبسط ونجيب اطفال هو كان مصر يتاجلون الاطفال لين اخلص دراسه واصر اروح اخذ ابره الي تسبب عقم مؤقت لسنه او سنتين بس الدمتورة ارفضت وقالت حرام عروس تاخذ هالابره واصرفت لي حبوب منع حمل مدري بس انا كنت ماخيله حياة بدون مشاكل هناك وزوج يكون باله بس لي بدال اصدقائه الي ماخذين وقته كله هنا وامه الي تقلب راسه علي وتكرهني بدون سبب على الرعم اني بس شفتها مرتين
اهله متكبرين على ايش مدري تخيلي طليقي يقول لي انا عارف انك تزوجيتيني تبيني انقلك من وضع لوضع مدري وش هالوضع الي كان بينقلني له
على الرغم من اني قلته له ترى اذا ماتبي تسافر خلاص ماراح نسافر اهم شي انت تبغى السفر
اممم مدري وش اقول بعد هو بشهر العسل زين بس كان يمن بزياده كانه ماخذ وحده من الصحراء وكل شوي يقول صح ماتوقعتي تكونين بهالمكان صح ماتوقعتي تسافرين صح ماتوقعتي تركبي قارب
مره كنت اسولف معاه وقلت له رحت بيروت كذبني وقال ماضنتي انتي رحتي
ومره اضحك معاه قلت ليه ماجبت لي ورد بابملكه قال هو زيك انتي واهلك مايصلح لهم الورد
ودايم يتمسخر على بيتنا وشارعنا واحيانا اخواني زي يقول فلان درويش واخوكي فلان كلامه واجد
بخيل من شهر العسل اذا شفت شي وبشتريه حتى لو كان رخيص يقولي مو حلو لاتاخذينه على الرغم من انه كان يشتري لنفسه
بعد ما قرر يطلقني وبذيك المكالمه عن اسباب الطلاق قالي اول مره اشوف وحده تشتري هدايا لاهلها بشهر العسل ولا تحسلي هداياي واو او ماركات ومكلفه حيل
الثلاجه ليله زواجي عباها اخوي وعقب يقول لي ليه اهلك ماجابوا لنا عشا ليله العرس واصلا الشقه اخوي الي اجرها وجابه له ولا هو نايم على نفسه شهور حتى شقه ماتعب نفسه ودور والاثاث دون ابمستوى يعني اهلي حاولوا يجملونه بالاكسسوا ات قلت مو مشكله خواته ماساعدوه يكفي انه ذوق رجالي وهز تعب عليه لما سالته قال ماخترت شي امي الي شرته كله يعني لاشرى اثاث ولا دور شقه الشي الوحيد الي سواه حجز شهر العسل كسول وبارد ومش قد مسئوليه كنت اتصور الغربه بتغيره وبتخليه ينبسط بالحياه الجديده هناك او اني ماراح اكون بحاجته حيل بيكون محرم معاي