إيوة صحيح ،،
فيه برة المغتربات و المغتربين اللي ماشاء الله أزواجهم قايمين هناك بكل شي ..

لكن اللي مثل طليقك ، صدقيني ..
بيبهدل فيك برة ، و إنت برة راح يكون الحمل عليك ثقيل مرة ..

و إنت رومانسية ..
كان ممكن تتحملي و تصبري ( عشانه زوجك و عشان العشرة ما تهون عليك .. إذا شهرين و كذا صار فيك و تعلقتي فيه )
بس هو وقتها راح يحسب إنك ( ميتة فيه و ما تقدري تستغني عنه ) و بيذلك أكثر ..

قولي الحمد لله إنه راح ( بستين داهية ) ..
و ما طلع عيونك لحد ما يعطيك ( حرّيتك ) ..

يمكن ، ما تدري ..
إنه ربي له حكمة في اللي صار ؟

يمكن لو ما صار اللي صار ..
كنت راح ترسمي أحلام وردية عن الزواج و الحياة الزوجية و كنت راح تجلسي تفكري و ممكن تكتئبي لا سمح الله ..
إنك تبغي تعيشي الحياة هذه ..

فعشتي جزء من اللي يعيشوه المتزوجات ، عشان تعرفي إنه ( الزواج ) مو كل شي ..

أدري إنك مشتاقة لوجود ( طفل ) ..

بس تدري ، لو جبتي طفل من طليقك ، كنت راح تتنازلي أكثر و أكثر و أكثررررررررررررررر .. لإنك حنونة و عاطفية ..
و هو راح يذلك أكثرررررررررررررر و ممكن يتحكم فيك وقتها و يمنعك من السفر ( حتى لو طلقك )..
لإنه إذا وحدة مطلقة و معاها طفل من طليقها ، فطليقها ممكن يمنع ولده من السفر مع طليقته ..
و وقتها ( قلبك راح ينحرق على طفلك ، أضعاااااااااااااااف مضاعفة )

أعرف كم وحدة في الغربة كانت مطلقة من زوجها و عندها ولد من طليقها ، ما قدرت تجيبه معاها للغربة
بسبب طليقها اللي منع سفر ولده مع الأم .. فتلاقي الوحدة هناك مهمومة طول الوقت و بس تفكر في ولدها
و ولدها يتعقد من بعد أمه عنه ، و تلاقيه يا عند زوجة أبوه أو أهل أبوه أو أهل أمه ..

.
.

ما تعرفي إيش ربي مخبي لك ..