اقتباس:
المشاركة الأصلية كتبت بواسطة المتفائل بالله
السلام عليكم ورحمة الله تعالى وبركاته
اختي في الله
لاتشيلين هم ولا شي بالعكس المفروض تقولين أمين وتفرحين ، وأنتي للحين ماجالك نصيبك بس مو معناته انه مابيجيلك!! بالعكس نصيبك محفوظ وموجود بس ماحان وقتة للحين وانتي مؤمنة ماشاءالله عليج وعارفة هالامور اكثر مني ومن اي شخص ثاني.
انا الحين ادور اللي يقولي عقبالك ههههههه
كانت فيه وحدة من خواتي نفس الطريقة!! تزوجوا خواتي ثنتين اصغر منها ، وحسيت فيها مع انها كانت تخفي هالشي ، وصرت قريب منها حيل والله ، واقربلها من هدومها !! مو عشان اني اشفق عليها!! لا والله .. بس عشانها اختي وقطعة مني!! وعشاني ابوصل لها ان نصيبك بيجيك مثلهم!! بس ماحبيت اقولها هالشي إلا لما هي تصارحني!! وفجأة واحنا قاعدين مع بعض فتحتلي هالموضوع (وماصدقت على الله) وقلت لها كلمة وحدة بس!! وأبقولها لك يا أختي..
قلت لها هل تعتقدين ان الله يظلم ؟؟ قالت لا
قلت دامك بيدين العادل حقك يبي يجيلك.
ومرت الأيام وتزوجت وهاذي حدرها اعيال الحين وتقولي والله مشتاقة لأيام البيت والعزوبية!! وتسب الزواج ههههههه
الله يوفقج يارب ويرزقج بولد الحلال اللي يخاف الله فيج ويسعدج ويعوضج عن كل شي تعبتي منة.
|
وعليكم السلام ورحمة الله وبركاته.
عقبالك يارب ربي يعوضك خير.
بصراحه لو على كيفي مااتزوج، ماني شايفه نماذج تشجع الوحدة تتزوج مو الكل بعضهم ،
ودي أمي تفرح لأنها دائم تدعي يارب أشوف عيالك إذا شافتني ماسكه طفل.
ماشاءالله عليك. الله يحفظك لأخواتك وبحفظهن لك.
هل تعتقدين ان الله يظلم ؟(لا وربي ، سبحانه )
هالجملة حفظتها بتلفوني. جزاك الله أثرت بي.
سبحان أحيانا أفكر خاصه عند النوم أقول الحمدلله أنام براحتي وأقوم براحتي ماحد يزعجن.(يعني من الحين وأنا أحب بيتنا ومابعد طلعت منه ).
اللهم آمين ولك بمثل الدعوات.