وللمعلومية
نفسيتها جداً جميلة وعالية خصوصاً بانها راعية دين وإيمان!! جوها كثير أخطبوها وارفضت بحجة انها تبي تربي اعيالها وتبي تعوض فيهم الشي اللي كانت هي محرومة منة!! وأعيالها ملتفين حولها وشاغلينها ومو مخلين لها وقت تفكر فيه من تدريسهم وتوفير طلباتهم والاهتمام فيهم وبشؤونهم ، وحنا خيلانهم بعد مو مخليين عليهم عايز أبداً!! مصاريفهم وإحتياجاتهم نسدها أول باول!! يدرسون في احسن المدارس ويلبسون احسن الملابس وكل شي متوفرلهم ولله الحمد في حدود المعقول وفي حدود سنهم!!

وشخصياً كنت قريب منها ومن أولادها أكثر من أي احد ثاني من أخواني وربيت فيصل ع أيدي لين ماصار نسخة كربونية مني!! في تصرفاته وطريقة كلامة وكل شيء (لآن لأمة علي دين .. هي اللي ربتني) ومخصصلهم من راتبي مبلغ ماشي لهم من اول ماتوظفت ولازال ولله الحمد والشكر.

والبنت دلوعة خيلانها محد مخلي عليها عايز أبداً وتامر واتدلل خصوصاً بأنها كل سنة ماترضى إلا أنها تجيب الاولى بالمدرسة!!

أمهم روتينها بين الصلاة وأولادها والتلفزيون وماتحب تطلع برا البيت نهائياً إلا لتوفير حاجاتها او حاجات اعيالها ، ومرتاحة كذا ومبسوطة ، والله يسعدها ويوفقها وتشوف بعيالها اللي ماشافتة مع زوجها.

__________________
استغفر الله واتوب إليه