المشاركة الأصلية كتبت بواسطة العـ/الفريد/ـقد

هلا بالأخت القديرة والعزيزة أم سلطان
عاد قصة الباب الصغير موتتني ضحك... الصغار ما يبيلهم الا زي كذا
وزوجك ما شاء الله صبور معها ومعطيها جوها
ولما تسولفين عن زوجك أحسه نسخه طبق الأصل من زوجي سبحان الله
في كذا رد لك في المنتدى لما أجي أكتب شي أقول ليه أعيد الكلام.. زوجي تصرفاته نفسها زي زوجها بالضبط
ياشيخة الله يحفظهم لنا ويخليهم ويديمهم لنا ولا يحرمنا من طلتهم الغالية يارب


والله يحفظ لك زوجك وعيالك ويقر عينك بهم ولا يريك فيهم مكروه ويحفظك انت بعد لهم

[COLOR="rgb(153, 50, 204)"]اللهم آمين يارب ولك بمثل مادعوتي لي والله يجزاك خير يالغالية
نجي لبنوتتك المدلعه والحساسه .. عاد تدرين البنت قاعده مثل الترمومتر وسطكم
بس تقيس توتركم من بعض المواقف وترتفع الحساسية والخوف عندها شوي شوي وانتم مو حاسين
[COLOR="rgb(153, 50, 204)"]ايه والله انك صدقتي يا اختي ان خوفنا عليها وقلقنا وصلها للمواصيل ذي وانتي عارفة هي اصغر وحدة واخر العنقود وشئ طبيعي نخاف عليها غصب عنا تصدر منا تصرفات قدامها بالغصب من خوفنا عليها حتى المراجيح ما تتمرجح لحالها لازم واحد يوقف جنبها حتى هي تخلص وبعدين تنزل تصوري اخوانها الكبار واحد يوقف عندها والثاني يرتاح وبعدين هذاك يرتاح والثاني يقوم يوقف جنبها ولا تجلس تصيح قدام الناس بالحديقة وتبكي ولأنها تعودت من صغرها على الدلال والإهتمام والرعاية من كافة انحاء الأسرة علشان انها اصغر وحدة حضيت عندهم بمكانه عالية وانتي تعرفين قد ايش الصغير يأسر قلب امه وابوه عاد لا تلوميني وانا اختك في اللي يصير غصب عني والله .[/COLOR]

موقف على موقف لحد ما قفلت أخلاقها.. وهذا يبين قد ايش هم أذكياء الصغار وكثير من المواقف ما تعدي عليهم بالساهل
الباب الأحمر.. نزول ابوها من السياره ... باب البيت مانفتح بدري لها وغيره من المواقف اللي ماجابت طاريها

وللأسف البداية كانت منكم انتم .... هي وقت ما تشوفكم تتوترون تنقلب السالفه جد عندها
يعني انتم الكبار خفتوا معناته مافي أمان معناته هي الصغيره وش تسوي
وأنصحك تسوين اجتماع مغلق مع الكبار في عيالك وانهم يحاولون يضبطون أنفسهم قدر المستطاع قدام أختهم
يعني طفت الكهرب ماله داعي الإرتباك وكلن يصيح النور .... اللمبه .... الجوال ... ماما الحقينا
ترى أحيان ما يخرب الصغار إلا الكبار ولاحظت هالشي في عيالي


[COLOR="rgb(153, 50, 204)"]ايه والله صدقتي من هالناحية لاكن ان شاء الله بإذن الله تعالى اني بسوي اللي قلتي عليه حتى لو نعمل تجربة فرضية بالبيت عن انقطاع الكهرباء في وقت اليل ونسوي لهم تمرين كيف يتعاملون مع الوضع بدون اي ضجة وازعاج وعلشان اختهم تتعود على مثل هالأشياء

الصراحة يالغالية انا عندي واحد من اولادي لو ينكسر كاس او ينكب موية على الأرض يصيح وينادي على البيت كلهم احيان اظن انه صارت مشكلة كبيرة بالبيت مثل التماس كهرباء او حريق لا سمح الله يصيح الين يفزون كل اللي بالبيت تعالوا بسرعة واو امي تعالي ابوية فلان فلان اخوانه واخر شئ نجي خير وش عندك يقول شوفوا فلان كب موية على الفرش او كسر كاس او قطع كذا واحنى جايين نرتعش من الخوف وش فيه وش صاير احد طاح احد انحرق صار شئ بالبيت واخرتها شئ بسيط احيان امسكه واعطيه علقه واحيان اتمالك نفسي واسكت له علمناه وفهمناه بس ينسى ومايترك حركاته لازم من اكشن فيها حتى واحنى بالسيارة لو شاف شئ ولفت نظرة يصيح واو وقفوا وقفوا بسرعة بسرعة خير وش فيك ياولد يقول شفتوا اللوحة الفلانية وش مكتوب فيها شفتو المحل هاذاك انحرق او انه الناس متجمعه عنده طيب وحنى وش دخلنا فيهم يقول لناولا شئ اعلمكم بس بقول لكم علشان انتم ماتدرون طيب طيب يصير خير حتى جيته من الدوام اللي بالمدرسة او من المسجد يدق الباب بقوة وبعنف ويصيح بسرعة افتحوا الباب احيان احسب احد ملاحقة او احد ضاربة افتح له الباب إلا وهو معاي آيس كريم وخايف لا يذوب من الحر بحطه في الثلاجة او اليوم جبت ممتاز بمادة كذا وابغاك تشوفينها ولو شافني معصبة عليه يقول لي كنت احسبكم مو موجودين في البيت وهاتي راسك ابوسه وانا آسف حينها وش اسوي فيه ماغير إني اشفق عليه بالذات عقب بوسة الراس مضطرة اني اسامحه مع شوية عتاب له وتوبيخ على تصرفه اللي سواه [/COLOR]

أسأل الله أن يعينك على تربيتهم التربية التي ترضيه سبحانه عنك وعنهم
ويوفقهم وجميع المسلمين .... آمين

[COLOR="rgb(153, 50, 204)"]اللهم آمين يارب ويحفظ لك عيالك وزوجك ويسعدكم ويهنيكم في حياتكم ويرزقكم بر وصلاح وطاعة عيالكم يارب [/COLOR]

ومافي داعي تشكريني على واجب الأخوات ما بينهم هالكلام
والحمد لله إن ربي يسر وسهل علينا وسيلة للتواصل كأخوات في الله نعين بعضنا في الخير
أشكر الله العلي القديرعلى هذه الخدمه وأسأل الله اننا نستخدمها دائما فيما يعود علينا وعلى أسرنا وأهلينا وأحبابنا بالخير والنفع..
[/COLOR]