لما قرأت كلام متفائل ووقفته مع اخته لما تطلقت..والله بكيت..
أسوأ شيء بالحياة انه ننظلم ونسعى للطلاق والفكاك .. وماعندنا سند بالحياة..
الله يرحم من كان ينعمل له حساب..

متفائلة..من اول ما طرحتِ موضوعك وانا متابعه ..
انا ارت لي احداث ما احد كان يتخيلها ..لدرجة اني الان احس شي بداخلي تغير وصعب ارجع زي ما كنت اول..
ماشاء الله عندك وظيفه وعندك اب ربي يخليه لك غيرك يتمنى اللي عندك..عين الله تحرسك.
الزوج اللي عندك فيه منه نسخ متشابه كثييير بالدنيا..
وتأكدي ما انت لوحدك بالدنيا اللي انظلمتي من رجل..
لكن الله حسيبهم..اكسبي اجر الصبر والله قبل يومين كنت بنفجر من موضوعي وكنت احس اني مخنوقه لدرجة احس السماء والارض انطبقوا عليا بالذات اني ما ابين لاحد اني زعلانه لاني ما احب اكون بموقف ضعف قدام احد فخرجت امشي بالحوش وانا اذكر الله واقول حسبي الله واكثر من الاستغفار جا ببالي اقول اشهد ان لا اله الا الله وان محمداً رسول الله مية مرا قلتها وانا افكر فيها وبمعناها قلتها وبكيت كثير بكيت لاني مسلمه واشهد انه لا اله الا الله ..بكيت لاني مظلومه وصابره على الاقدار او احاول بقوه ردع الجزع اللي يباغت روحي..
بكيت لاني تذكرت انه الله وعدني بمواضع كثير بكتابه الحكيم انه لي الجنه..
وبعد هالدموع والله والله والله ارتحت كثير ..راحه ما تتخيليها بالذات اني كنت غافله عن الاكثار من ترديد الشهادتين وعرفت انها تساعد في نطقها عند الموت..
فشل زواجي قربني من ربي اكثر..
قولي الحمدلله انه لك سند بالحياة..
والله لو خيروني بين الزواج وبين انه يرجع ابويا للحياة لاخترت الثانيه..

دائماً هنا احس في مشاكل بعض تفاصيلها تشابه مشكلتي واكتب رد طووويل وارجع احذفه..
واوقات القى مشاكل عندي قدره على حلها واكتب رد طووويل وارجع احذفه اقول هناك من اقدر واعلم مني للرد على المشاكل..

ولكن ان لم تستفيدي من ردي..فيكفي ان ذكر الله بين ثنايا اسطري.