بفترة من الفترات غيرت نظام نومي لان امي نصحتني هالنصيحه..
وطبقتها يمكن اسبوعين والله كانت احلا اسبوعين ..
كنت انام على 10 او 11 واوقات وحده بالليل واصحى الفجر اصلي وافطر واجلس على التلفزيون مع امي
واوقات اشتغل بالكنفه اتسلى فيها
واوقات اكمل كتابة روايتي اللي قربت اكمل ثلاثه سنوات وانا اكتبها
واوقات اقرأ كتب لاني كل شهر اشتري كتابين..
واشرب نسكافه واسوي حلا لقهوة العصر واسوي غدا طبعاً هالاشياء مو فروض عليا بس انا اطلع وصفات غريبه وجديده واسويها..
عندك اشياء كثير تسويها ان نمتي بدري وصحيتي بدري يكفي انك تصلي الصلوات بوقتها وتصلي الضحى وممكن تهتمي بنفسك وتعملي خلطات لجسمك وشعرك وتدلعي نفسك اوووه رغم اني فاضيه الا انه في كثير اشياء احس اني بسويها..
انا ليا خمسه سنوات متخرجه وكثير كنت اشتكي من الفراغ وابكي منه بس الان احاول اسيطر عليه قدر المستطاع واحاول استفيد من وقتي.. فكري بجديه تحفظي اجزاء من القران ..
كل يوم سوي لو شي واحد مفيد وبنهاية اليوم قبل ما تنامي راح تنبسطي من نفسك انك سويتي شي مفيد سواء لنفسك او لغيرك ولاتستصغري اي شي تسويه مهما كان بسيط..

ياستي يكفي اننا عايشين ونذكر الله لو ماسويتي شيء بيومك غير انك ذكرتي الله هالشي يكفي..
ولاتقولي بنحرف ومدري ايش ترى هذا كلام الشيطان..
انا اعتبر الفراغ ابتلاء لاني عارفته وحاسه فيه وعااايشته كمان بس اتغلبي عليه لا يتغلب عليك..
وزي ما قلت لك حاولي تقلبي نظام نومك فتره ولا تسهري وشوفي كيف نفسيتك وامورك راح تكون..
انا راح ارجع انام بالليل بس بعد الاجازه وموسم الخيام يروح عليا ^-*.
ارجعي بعد فتره وقولي لنا انك قتلتي الفراغ..بس لاتطولي علينا.

رزقك الله ورزقني الوظيفه التي نتمناها..