لا يا اختي ارجووووووووووووووك
لا تسمحين لنفسك تنجرفين وراء أي تيار يبعدك عن دينك ويفقدك نفسك ويضيعك
والله اختي اقولك عن تجربة صدقييييييييني
والله لو يرجع بي الزمن كنت شغلت نفسي بأمور كثيرة وماسمحت لنفسي أردد نفس الكلام اللي تقولينه وأضيع نفسي

شوفي انا كنت بنفس وضعك وانجرفت وضيعت وقت طويل من حياتي وانا كنت اقدر استغله في امور انا استفيد منها
لكني الحمدلله انا تداركت نفسي وطلعت من ذاك الوضع وتغيرت حياتي

لا تقولين انا بنجرف وانا فيني احساس بالنقص ووووو
كلنا بيدنا نغير حياتنا

انا عن نفسي .. الحين ماعندي وظيفه ومكمله دراستي وجالسه بالبيت بدون هدف
وحسيت بالفراغ لفترة وبالنقص وووو بكل اللي قلتيه
لكن تعلمت اشغل نفسي .. واخواني واخواتي هنا ما قصروا معي ابدا

بيدك تسوين أشياااااااااااااااء كثيرة وصدقيني ابدا ما بتحسين بوقت فراغ
الاخوان والاخوات اللي فوق كتبوا لك اشياء حلوووووة كثير ومفيده
بس انا بذكر لك جدولي وانتي اختاري منهم اللي يناسبك وسويه .. والله بعدين ابدا ما بتحسين بالوقت

طبعا مع محافظتي على اذكار الصباح والمساء
اقرأ اللي يتيسر لي من القرآن حسب وقتي بس ما يكون أقل من جزء
وتقدرين تقرينه مرة وحدة او تقسمينه بعد كل صلاة
تجلسين مع الأهل
تقرين كتاب (يعتمد على ميولك .. أدب تاريخ إلخ ...)
فيه كتب كثييييييره .. كتب للشخصيه كتب للاطلاع كتب سيرة
ابدأي بقراءة كتاب عن سيرة الحبيب محمد صلى الله عليه وسلم
بتسمتعيييييييييين لآخر درجة وانتي من داخلك بتتغير فيك أشياء من غير ماتحسين
شاركي بدورة أو بمركز تحفيظ قرآن
تقدرين تسوين برنامج للعناية بنفسك من مستحضرات وخلطات مثلا
أو تقرين وصفات طبخ وتجربينها .. كل فترة شيء
وفي اشيااااااااء كثيييييييييييرة لو فكرتي فيها صدقيني ما بيصير عندك ولا وقت فراغ

واهم شيء نظمي نومك حاولي تنامين الليل وماتسهرين الى الصبح .. راح تقدرين تسوين اشياء كثيره
واكثري من ذكر الله في كل وقت .. استغفار تسبيح تكبير
وحاولي تقومين الليل لو ركعتين وحافظي على صلاة الوتر
واكثري من الدعاء بأن ربي يثبتك ويقيك شر نفسك ويشغلك بكل ما هو مفيد

صدقيني والله والله
احساسك بالنقص ما راح يسده الا قربك من الله
وبعدها كل اللي تحلمين فيه ربي بيحققه لك
مهما سويتي ما راح ترتاحين الا اذا قربتي من ربنا

اسفه طولت عليك بس لاني بفترة من الفترات مريت بشعورك وحاسه فيك
اخذي بنصائح الاخوان والاخوات
واقري رد أخونا المتفائل أكثر من مرة

وفقكِ الله وثبتكِ

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين