أنا آسفه يا اخوي لأني حاسه ان ردي الأخير شحنك وايد خلاك تعصب...

كان في مواقف غلط منك و مواقف غلط منها... هكذا هو الزواج... تتعلمون من بعض و تكونون كتابكم مع بعض... تذكر قبل شو قلت لك... قلت لك الزواج ما يجي معاه مانيوال يعلمك كيف تتصرف او يعلمها كيف تتصرف... بس كل موقف راح يصقل شخصياتكم كأزواج أكثر... انت راح تفهمها و هي راح تفهمك...

خذ لك عصير بالليمون و اهدا شوي...

و على فكره مب كل الرجال خطيبته اوكي معاه.. و مب كل وحده حطيبها اوكي معاها...

انا ربيعتي في فترة الملجة ما كانت تطيق زوجها.... تكره... يمكن لأنها مرت بتجربه سيئه قبله... بس سبحان الله يوم أشوفهم الحين مع بعض اقول صدق سبحان مغير الأحوال... هي بنفسها تحكي لي كيف كانت تغلق التلفون علشان ما تبي تسمع صوته... بس الحين ما شاء الله تعالى و لا حول و لا قوة إلا بالله.... هم وايد اوكي مع بعض و مرتاحين الحمدلله و عندهم عيال...

انا ما اقول ان قصتك راح تنتهي بنفس الطريقه... بس اقول ان في احتمال انها تنتهي نهايه حلوه..

طيب اقول لك على شي ثاني...

انا اختي و زوجها طووووووووووووووووووول فترة الملجه مشاكل و ضرابه و طلبت الطلاق اكثر من مره بس اهلي ما كانوا يوافقون... و الحين زوجها يوم يتذكر ايام الملجه يستغرب كيف كانوا جي مع بعض و كل واحد كاره الثاني.. و الله انهم تشاجروا يوم قبل العرس... أكثر من جي شو تبي بعد... بس الحين ما شاء الله متزوجين من تقريبا سبع سنين و سمن على عسل...

حط الأمل ان قصتك تنتهي نهايه حلوه مثل القصص اللي ذكرتها لك..

بس انت محتاج حد يفهم زوجتك دورها الحقيقي بس بأسلوب سلس...

الإيميلات القصيره و التغريدات القصيره ممكن تساعدك في هالشي... جمله وحده بس... و ما تكون بس عن دور الزوجه و انما بعد عن دور الزوج...

اخوي ممكن تسمع للشيخ سالم العجمي... له محاضرات حلوه... إذا كانت زوجتك تحب تسمع للمحاضرات ممكن تشغلها بشكل عفوي و انتو في السياره (طبعا بعد ما ترجع)... و لا تناقشها في اللي ينقال ابدا... خل الكاسيت كأنك كنت تستمع له قبل ما تروح لها...

خل وجودك مرح معها... كن الصديق قبل الزوج... و لالالالالالالالالالالالالالالالالا تتوقع ردات الفعل... اكثر شي يزعلنا ان ردة فعل الطرف الثاني ما كانت نفس ما توقعنا...

الله ييسر امرك... و ان شاء الله اسمع اخبارك الحلوه...