السلام عليكم ورحمة الله تعالى وبركاته

واسف ع التأخير اختي سماهر
وكل شي وله حل إن شاء الله فلا تحزني

اختي في الله
الرجال اذا توهق في خطوبة وماعندة مبررات او اسباب يفسخ فيها الخطوبة يقعد يماطل!! كيف
يقول اقعد انقعها عند اهلها واتحجج بالظروف لين يملون مني من حالهم ويقولون خلاص بنفسخ الخطبة!!
وهذا والله اعلم اللي قاعد يسوية خطيبك!! لأن لو عندة نية للزواج كان عجل زواجة بسرعة البرق

واللي عندة ظروف وازمات مايقدم على مشروع مثل مشروع الزواج!! دائماً احنا الرجال مانقدم ع الزواج إلا لما نكون جاهزين له ومتحملين كافة مسؤولياتة وتكاليفة!! ف لذلك ما اعتقد ان خطيبك عندة ضوائق مادية!! ثم ان تحججة بالدوام ليس بالذربعة او بالسبب المقنع بصراحة!! وتذرعة هذا ماهو إلا هروب فقط!!

انتي متعلقة فيه ومابعد كلمتية ولا عاشرتية ولا شفتي خيرة من شرة ولا بينكم اي علاقة!! ولو قربتي اكثر لسبب تعلقك فيه بتلقينة حقيقتاً هو تعلق بمضمون الزواج والبيت والاسرة والسعادة اللي تحلم فيها اي فتاة وليس بالشخص الخاطب!! وهذا الشي يمكن يعمي عيونك عن اشياء كثيرة من اهمها انك تفقدين نفسك وحياتك وحتى كرامتك ولربما تقعين ضحية زوج مايخاف الله فيج!! ف ليش تحطين نفسج بهالموقف؟؟

وبما انج عطيتية فرص كثيرة وسعيتيلة خلاص اعتقد انج سويتي اللي عليج واشوف ان الموضوع وصل للكرامة ف أحفظي كرامتك وابتعدي عنة ولا تضيعين عمرك علية وتروح عليج السنين وانتي ماحصلتي منة شي وتفوتين على نفسك فرص زواج من ناس افضل منة.

أستخيري وان بغيتي رأيي أفصخوا الخطوبة وشوفي حياتك ، والعرسان واجد.

__________________
استغفر الله واتوب إليه