رد : خطيبتي لا تهتم بي
حبيبي محمد ....
كلنا مرينا بنفس الظروف .... خذ مني النصائح هذي و طبقها وراح تلاقي نتيجة /
1 - اثقل عليها حتي تكلمك هي او ترسل لك رسالة . ( لا تتواصل ابدا معاها ) حتي لو اضطريت تطنشها شهر بحاله ... لو رجعت تكلمها بعد اسبوعين راح تعرف ان نفسك قصير وما تقدر تصبر عنها ..
2 - اذا ارسلت لك رسالة لا ترد الا بعد يومين و خليك بارد .
3 - بعد كذا ابدا شوي كلام حب و غزل لكن علي خفيف .
4 - بعد كذا لاتكلمها الا كل فترات طويلة ( مرة او مرتين في الاسبوع )
لا تدخل الفيسبوك ابدا الا اذا ارسلت لك رسالة ( اضبط اعدادات الفيسبوك بحيث يرسلون لك رسالة علي الايميل اذا جتك رسالة ) ، واذا تكلمت معاها وسألتك وينك مختفي ؟ قول لها مشغول شوي ( واخترع لك حاجة ) ...
نصيحة / تعرف ليش انت خايف انها تتركك و تروح لواحد ثاني ؟؟ لانك زي ما يقولوا بالانجليزي insecure يعني مش حاس بالامان .. بكذا انت راح تفقد ثقتك في نفسك وتعتقد انك مش كفء انك تحصل عليها ... وعشان تحس بالامان انصحك بالتالي /
1 - اكثر من الاستغفار وبالذات ( سبحان الله وبحمده ) .
2 - قم اخر الليل و ادع الله ان يهدي زوجتك و يهديك ويبعد الشيطان عنكم .
3 - انت تخاف بزيادة لانك بتحبها كثير .. لاتغرك الدنيا ، حب الله عزوجل اكثر شئ .
4 - انت بتصرفك بالطريقة هذي راح تطيرها من يدك لانك تحسسها انك تبغي تكلمها طوال الوقت .. تاكد مني انها بتحبك كثيييييير .. انت خليك واثق من نفسك و ثق بالله عزوجل .. و اعرف ان الاصل في المؤمن السلامة وهي ان شاء الله مش راح تخونك او تحب اي احد ثاني ..
5 - اذا شفت اي شئ مثلا انها تكلم شباب في الفيسبوك ارسل لها و اطلب منها تحذف الشاب و بين لها انك لن تتهاون في هذا الموضوع ... وخليك صريح من البداية لان هذا شرعا لايجوز و اذا كانت معاك في فترة الخطوبة كذا كيف تصير بعد الزواج ؟؟؟
6 - اثقل اثقل اثقل كثير ......
7 - من الافضل انك تحضر كذا موضوع و نكته قبل لاتكلمها عشان تخلي المكالمة ممتعه معاها ..
وانا واثق باذن الله انها راح تتغير ، لكن شوف مع هذا كله خلك محترم و مؤدب و مهما حصل بينكم لاتغلط ولا تقول اي كلمة بذيئة مهما كان ...