يمكن الحفله مب كبيره... و يمكن هم ما يهتمون و ما يحطون في بالهم العلاقات بنفس الطريقه..

عموما انهم يتصلون لج شخصيا و يعزمونج هذا بيكون غريب جدا.. فكونهم اتصلوا في زوجج هذا يكفيكم انتو الإثنين..

كونهم اتصلوا متأخر جدا.. هني المشكله... و هني العتب... حفلة الملكه المفروض الأخ يكون عنده علم بالموضوع..

و مع كل ما قيل يا اختي...

اشوف ان كلامج لزوجج مب صح ابدا ابدا..

صحيح تصرف اهل زوجج غلط بأنهم ما بلغوكم مسبقا.. و لكن هذا ما يعني انج تتكلمين عنهم أمامه.. في نهاية الأمر هم أهله... فلا تخلينه ضايع بينكم محتار يرضيج او يرضيهم... انتي تقومين بالواجب فقط و تحثينه على وصلهم.. أما تعليقج فتحتفظين به لنفسج علشان ما تفتحين على عمرج باب ما يتسكر...