شكرا على ردودكم اسفه ما اقدر ارد على كل شخص برد منفرد اعذروني والله مو تكبر بس مشغوله مع امي

اخوي ابو حكيم1 شكرا على ردك بنتظر وبشوف بس ما اقدر اكلم ابوي او امي واقولهم انا ابي ارجع لفلان لو هو يبيني

لأني قبل قلت لهم أبي ارجع لفلان وقالوا لو هو يبيك كان جا وتكلم معانا ويعرف الاصول وعيب ترمين نفسك على الرجال

ومن هالكلام وانا كل شوي ينكسر خاطري لاني ابيه واحساسي انه يبيني

وانا ما قلت لهم اني قابلته بالسوق وسلمت عليه ان تذبحني امي واخاف صراحه لو قلت يبيني وش عرفك وكيف عرفتي اكيد كلمتيه وانا والله مابي اكذب عليهم واقول امه لمحت او اخته قالت انه يتمنى يرجعني ومن هالكلام اخاف اكذب لاني اعرف ان الكذبة بتجر كذبة اكبر الى ما انكشف قدامهم واطيح من عينهم

افهمني تملكني

جزاك الله خير على ردك ودعائك الله يتقبل منك الدعاء ويستجيب لك كل دعواتك يارب

متفائلة خير

لا ما اقدر اكلمها واقول برجع صعبه مررررررررررررره مستحيل

جزاك الله خير

حبيبتي امل

لا هي اول مره نتكلم جوال ونعايد على بعض بس اول كان بيننا رسايل بالعيد والمناسبات فقط

واتوقع انه قال لأمه لكن حابه انتظر مثل ما قال اخوي ابو حكيم1

وشوف وش بيصير

امي تبي تعزم خالتي بس تقول الناس راجعه من سفر وينظفون بيوتهم ويستعدون للدراسه خليها شوي مو الحين

وان شاء الله خير ربي يكتب اللي فيه الخير والصلاح

اشكركم وان شاء الله ردي الجاي يكون بشرى بالرجوع