شفتي ياقلبي نصيحتك هذه ؟ هي نفسها اللي لابد توجهيها لنفسك
صدقيني مافي احد يستاهل انك تخسري ثقتك بنفسك وتهتزي وتنكسري عشانه
ماشاء الله رغم صغر سنك لكنك كنت ونعم الزوجة وأديت اللي عليك وزيادة فلا تلومي نفسك وتحمليها فوق طاقتها
والحياة مازالت امامك اكملي تعليمك وتحدي نفسك وتفوقي بدراستك وفوضي امرك الى الله فتدابير الله افضل من تدابير البشر
استمتعي بحياتك وعيشي سنك واعتبري كل تجربة تمري فيها هي اكتساب لخبرة مهما كانت التجربة مؤلمة لكن رصيد خبراتك وحسناتك سيكون اكبر والمؤمن مبتلى وكله بأجره حتى الشوكة التي نشاكها مأجورين عليها

حبي وقدري نفسك حق قدرها ومثل ماقلتي الحمدلله انه هالشئ صارلك قبل ماتنجبي اطفال لانه الامور تتعقد اكثر وان شاء الله ربي يرزقك الزوج التقي النقي المخموم القلب اللي يستاهل جوهرة ثمينة مثلك ويسعدك ياقلبي