رد : تجمع و يوميات النحيفات
كل عام وانتم بخير وعافية يارب
شفت موضوع الغالية عصامية وقلت خلني ادخل اسعف البنات بالمعلومات اللي عندي
شوفوا ياحبايبي اللي تبغى وزنها يزيد شوية عليها بالحليب والموز تخلطه وتسويه مثل العصير وتشربة وكمان حليب بالمانجو هاذي النوعين من الكوكتيل ان شاء الله انها تجيب معاكم نتائج مذهلة افضل من الخلطات وحبوب فتح الشهية اللي تدمر صحة الناس افضل شئ الأشياء الطبيعية واهم وجبة يجب علينا تناولها هي الفطور هاذي مهمه بس والله ان اختكم مرة تتناولها ومرة تكنسلها مو دائما طبعا المكسرات والوجبات اللي يدخل فيها الدقيق والبر والسمن والعسل مثل المعصوب ومثل العريكة والحلبة تخلط مع التمر الهندي والزبادي وتضيف عليها فصين ثوم وكمون ابيض واذا رغبت فيها حارة يضاف لها واحد فلفل اخضر حار وتخلط في الخلاط بالبداية تغلى الحلبة وتصفى ويتم تغير الماء وتغلى مرة اخرى بحيث انها تلين وتذهب مرارتها وتحطون بينها المحتويات اللي ذكرتها علبة زبادي فصين ثوم تمر هندي حسب الرغبة طبعا تطلعون منه البذر وتحطون موية التمر الهندي ويفضل يكون خفيف وتقدرون تستبدلونه بالزبيب او التمر العادي اللي ناكله مع القهوة حسب الرغبة بس اذا استبدلتوه ابعدوا الكمون والثوم لاتحطونه مع الزبيب او التمر وكمان الفلفل الحار والزبادي هاذي لاتحطونها الا اذا حطيتوا التمر الهندي
طبعا مذاقها مع الزبادي والتمر الهندي والفلفل الحار والكمون والثوم افضل واطعم وتقدرون تاكلونها بالملعقة او تاكلونها على خبز عادي بس اكثر شئ انصحكم فيه الموز والحليب والشوكلاته كمان لا تفوتكم مع الحليب وبدون حليب حلوة بس لاتسمنون علينا وبعدين تقولون جيبوا لنا اللي ينحفنا والبطاطس والباذنجان
ياهو ينفخ الوحدة يخليها تصير حرمتين مرة وحدة XXL
عاد انتم جربوا واعطونا النتائج
والله اني اشتقت لكم كلكم لاكن عندي اللي مشغلن تفكيري والله المستعان نسأل الله ان لايشغلنا إلا بطاعته ويطمنا عن احوال اخواتنا واخواننا الطيبين في المنتدى ويجعل لهم من كل هم فرجا ومن كل ضيق مخرج اللهم آمين يارب
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله