رد : عاشقات حلم الامومه
السلاااااام عليكم يافراااااشات
...
شلونكم ..عساكم طيبين..عدت لكم بعد يوم شاااااق
..هههه..حلوة اللغة العربية
...هوه اصلا دوامي فقط الاحد لمدة 5ساعات وبدرّس 3 مواد في المدرسة الاسلامية..العمر8سنوات,,صغار,,, لكن عليهم اسئلة اوقات مابتعرفي تجاوبي عليها
وبتصفني شوي
وبتضحكي جوا نفسك,, وكل هالاسئلة دينية عن الجنة والنار..لا وبدّك تشرحي بالانجليزي...فبرجع عالبيت مهدودة وبرجع بلاقي ابو الشباب قالبلي البيت
..وبصير شكلي هيك
...
الحمدلله....كل هالمقدمة عشان اتغيروا جو واتعيشوا واتعاصروا الوضع(هههههه لغة عربية بحتتتتة
).
منمونة..اسأل الله العظيم ان يفرّح قلبك الطيب بالحمل السليم المعافى.
فراشتنا عشوقة المنتدى
...اشرقت الانوار حبيبتي..مشتاااااقينلك ياعسل..الله يفرجها عليك ويفرحنا فيك يارب ياكريم..ابقي بين فترة وفترة طلي علينا وفرحينا بطلتك ياغااااالية.
حلومة..حبيبة قلبيي..اشتقت للللللللللللك كثييييييييراااا..عساك طيبة وبخير..ربي يبسط قلبك الطيوب بالخبر اللي بتتمنيه ياقلبي..واحساااااسي انه فرجك قريب..مفتقدة تواجدك ياعسل.
رورووو المتألقة دائما..طمنينا عنك ياحجة.
سلومة..ياام عبود كيفك يابطة..طمنينا عنك وعن عبود وشوعامل فيك.
كريستي..ياصاحبة القلب الكرستالي النقي..كيفك حبوبة وكيف الوالدة..طمنينا عن عبود وابو الزووز..شكلو لازمنا فركة أذن كل فترة وفترة
.
نورا...كيفك حبيبتي وكيف الاهل.
زهووووور..كيف حااااالك يابنت..وحشتيييييييينا ياقمرة..ردوودك تضفي عالصفحة جو رااائع..بإختصار ردوودك هي فاكهة صفحتنا
فلا تحرمينا منها.
شوفي ياستي العزيزة قبل سفري كنت حاسبة للدورة وكان موعدها يوم السفر...ياخراااااااااااااااشي..عارفة ايش يعني..انا دورتي ثقيلة الله يكرمك
..لازم كل ساعتين عالحمام 
غير آآآآلامها:20: وسفري كان لوحدي مع طفلين
..فوضت امري لله وسلّمت بالامر..لي صديقة صيدلانية نصحتني بأخذ التايلينول(مسكن متل البنادول) قبل بيومين من موعدها واستمر عليه مدة هاليومين قد يؤخر الهانم,, او ان أتت,, بتكون آلامها أخف..على علم انه انا من النوع اللي بآخذ مسكن بس لمّا إتشرّف...إعملت بنصيحتها ولله الحمد ما إجت الدورة الا بعد يوم من وصولي لبلدي:14::14: ولله الحمد.
نييجي للسفرمع الصغار..كنت شارية لابني شوية ألعاب جديدة ودفتر وألوان وقصة كلها صور وملفتة للصغار وكله جديد وماشافهم ابني غير بالطيارة..وطبعا شوية سناك المفضل عنده
..اول ماإطلعنا الطيارة أعطيتهم دواء للحساسية وبنعّس بنفس الوقت..البنت نامت لكن الولد لا..مدة الرحلة كانت 16ساعة دايركت بعدين ساعتين ونص في طيارة اخرى,,الصحيح انه ابني ربنا هداه في الرحلة الطويلة ولله الحمد..وربنا يسّرلي مضيفتين عربيّات وحنونات(الباقي اجنبي) ساعدوني كتير لماكانت بنتي تنكّد..الله يجزيهم الفففف خير..وحدة لبنانية والثانية مغربية..كتير كانوا روووعة.
الرحلة الثانية إتغلبّت فيها لانه انا والاولاد كنا منهكييين من التعب وقلة النوم وبنتي قضت الساعتين ونص بكااااء الله يهديها
..ماصدّقت اوصل عند أهلي عشان يخلّص الفلم الهندي
.
الرجعة كان زوجي معي..سبحان الله بتكوني راكنة ومرتاحة.
كانت تجربة مش بسيطة لكن الحمدلله اكيد كلها فوائد.
واي سؤال او استفسار اناحاضرة ياقمر.
دووودي..حبيبتي بدي إيّاك تحطي في بالك التالي: إيش ماصار وين كنت,,ووين صرتي ماشاالله تبارك الرحمن..اكيد بتمر في الانسان نكسات..لكن هالنكسات لتشدّ من أزر الانسان وتدفعه بكل همة ونشاط الى الامام بإذن الله...لاتخلي الشيطان يوسوسلك ويثبّط من عزيمتك,,الحمدلله انت الآن واصلة لمرحلة كنت تتمنيها يادووودي فالحمدلله,,, وفااااضل عضة كوساية على قولة إخواتنا السوريات..كلنا بنمر بفترات تخبيص وضعف ..طبيعي حبيبتي,,لكن الآن بدنا نشدّ الهمة ونكمّل بقية المشوار ياقلبي:14::14:,,الله يثبتك ويقويك ويحقق كل أمانيك يااحلى دوودي.
__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}