رد : تجمع و يوميات النحيفات
عصامية ليش ماتحبين الحليب ترى وانا اختك على كذا ماراح تزيدين شئ من وزنك وكمان حنى الحريم معرضات لمرض هشاشة العظام بشكل كبير جدا واللي يمنع هالمرض بعد الله هو شرب الحليب وتناول الأجبان والألبان بشكل كافي يوميا حاولي انك تتعودين على شرب الحليب تراه مفيد وازين لك ولا إذا ماعجبك الحليب العادي نجيب لك حليب خلفات هههههه طعمه يجنن ترى
شوفي انا بالبداية كان وزني بالتسعينات وعملت رجيم الين وصل الأربعة والثمانين وعقبها قدر الله وابتليت بمرض في المعدة وصرت عاملة ريجيم بدون ريجيم بسبب الحمية من بعض الأكلات اللي تضر بالمعدة ونزلت الين 80 والحين طلع معاي القولون العصبي ونزل وزني حتو وصل 72 كيلو بسبب الحمية والألم صرت ماعاد اشتهي الأكل مثل قبل او اكثر منه لأنه صار يتعبني وكمان الحين مسوية رياضة علشان ابغى وزني يخف اكثر امارس المشي ساعتين ساعة باليوم بالممشى والحمدالله على كل حال زيادة الوزن مو بزينة على صحة الإنسان وعلى فكرة مرة مرضت ونحفت الين وصلت 60 كيلو وسافرنا اجازة لديرة لما شافوني بالنحف هاذاك وهم مو متعودين على شوفتي بالشكل هذاك انذهلوا الحريم وصاروا يسألوا وش فيك ضعفانه اللي تقول تتوحم واللي تقول شكلها مريضة وآخر شئ عجوز جارتنا لما شافتني صرخت عليه حتى خرعتني بصراخها احسب فيه شئ عندها وش قالت لي ايش فيك وايش اللي صاير لك كذا صايرة نحيفة والله ماعرفتك من اول ماشفتك يابنتي والله اني شفقانه عليك وش فيك نحفتي بالمرة وتحلف ان فيني شئ واني متضايقة من شئ وتقول لي اشوف الضيقة بوجهك يابنتي محقق كونان حضرتها ومن الطريف قالت لي شكل زوجك هناك في ديرتكم قاهرك ومعذبك وموريك الويل لو السبب هو روحي اشتكي عليه عند إخوانك وابوك وهم يشوفون شغلهم معاه يربونه لك ياحسرتي عليك والله انك ماتستاهلين اللي يصير فيك اقول لها ياخاله مابيننا شئ لا تحطين في ذمتك والله اني عايشة ومرتاحة معاه وش فيك تألفين من راسك قالت لي طيب يمكن انه يبغى يتزوج عليك او خطب له بنت وانتي زعلانه وماعاد صرتي تاكلين زين من سبب قهره لك وساكته ماتبغين تفضفضين وماسكة معاها انا اعرف الحريم والله مايفوتني شئ اعرفهم من نظره واعرف اللي في خاطرهم واللي مضايقهم تقول انها الساحرة سيد سيبوس وبعدين طول الإجازة مافكتني جالسة تنبش بالسوالف تبغى اقول لها سالفة وتجلس تنقنق عليها وقلت لها ياخاله مافيني شئ مسوية ريجيم وعندي المعدة كمان تعبانه صارت كل ما اروح لديرة تسألني كيفك اليوم من مرضك وفين تتعالجين واعطيها نفس الإجابة كل مرة وتسكت بس في المرات الأخيرة مع العلاج ابتدى وزني يرجع طبيعي وانا والله ما ابغاه يرجع مثل اول لأني تعبت وانا انزل الوزن المرة اللي فاتت وعقبها تعبت من القولون ورجع وزني ينزل بالتدريج والحين اعمل رياضة ومستمرة عليها وكمان اقلل تناول الوجبات ولو اكلت آكل شئ بسيط وخفيف علشان ما اتعب وكمان الوزن يخف
وربنا يسهلها والحمدالله على كل حال
ترى في بداية حياتي كان وزني بالأربعينات بس مع الحمل والولادة والتربية وشغل البيت ماعاد صرنا نفضى لوقت المشي والرياضة وتنظيم الأكل ففرط الوزن خصوصا ان حملي الأول والثاني ورى بعضهم رغم ان حملي ووحمي صعب انحف فيه واحيان يضطرون يعطوني مغذي بالوريد لاكن المشكلة بعد الولادة والكارثة يزيد الوزن بشكل متسارع رغم ان كمية اكلي هي نفسها يمكن الرضاعة الطبيعية تكون سبب من اسباب زيادة الوزن عاد الله العالم
بس لا اوصيك لاتهملين صحتك وحاولي انك تتناولين الأشياء المفيدة اللي تفيد جسمك وتمده بالطاقة والمعادن والفيتامينات
وربنا يعطيكم الصحة والعافية يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله