فعلا بعض النساء يخربون زوجتك عليك الله يهديهم والمشكله ان زوجتك تكون امعه معهم وتشاركهم الكلام وممكن تقول عنك كلام ما حصل او مشاعر كاذبه عنك.

حصل موقف وسمعت بالصدفه زوجتي وهي جالسه مع صديقتها تقول لصديقتها ما معناه ان الحب قبل الزواج ينتهي بعد الزواج. طبعا انا متزوج عن حب وعارف اني زوجتي تموت فيني حتى بعد الزواج. صديقتها هذي فيه مشاكل كبيره بينها وبين زوجها وزوجتي تجلس تحسسها انها مثلها يعني تعبانه معي عشان تجاريها.
انا زعلت لما سمعتها تقول الكلام هذا وسألتها انتي تحبيني مثل قبل الزواج قالت ايه بينت لها اني سمعتها بالصدفه تقول غير كذا لصديقتها, جلست تبكي وتقول بس سوالف وحكي ما أعنيه وانت مو مقصر معي بشي. عادت المياه لمجاريها وانا متأكد انها تحبني لكن الصراحه قهرتني بذا الموقف.

طبعا هنا نتكلم عن الصديقات لكن فيه مشكله اكبر وهي لما تكون مع امها او خواتها ويجلسون يحرضونها على زوجها ويشيشونها. لو اقولها بمرك الساعه 12 او لا تطلعين السوق معهم لأنا مستعجلين او لأني مشغول (يعني يكون فيه سبب مقنع) على طول نشبو في مخها هذا يبي يتحكم فيك ومن ذا الكلام وهي المشكله ما ترد عليهم وتجاريهم. تحريض الأم لبنتها على زوجها يحصل كثير وممكن يخرب البيت بعض الحموات الله يهديهم مشاكلهم اكثر من حسناتهم.