رد : الجلسات النسائيه والمشاكل الزوجيه
السلام عليكم ورحمة الله وبركاته
والله معاناة التجمعات النسائيه خراب بيوت البعض طبعا
عندي زوجتي صارت مثل اللعبه حطبة الدامه يلعبون فيها الحريم لعب
ويحركونها مثل ما يبون للاسف يعلمونها شلون تسيطر علي الزوج شلون
تكون اهي الكل بالكل بالبيت وسوالفها كلها مكشوفه بس اهي عايشه الدور
تصدقون اني اسبب لها مشاكل وازمات عشان تستوعب وغير اني اواجها واكلمها
بس صارت فيها حاله نفسيه صديقاتها اهم الصح وانا الغلط وصلوها الي مرحله انها
تقريبا كل 6 شهور او اكثر مره وحده تاخذ عيالها وتزور بيت اهلها للاسف وكل هذا
عشان نصيحة لا تخلين الرجال بروحه ولا حتي خمس دقايق لانه راح يلعب بذيله
استغفر الله العلي العظيم انا حبيت بس اتناقش في بعض الامور والاشياء اللي تصير
تقريبا كل المشاكل هذي متعبه لاكن تختفي مع الوقت بس اهون حيل من اللي صار بعدين
تحولت الزوجه ام الاولاد الي فتاة عمرها 10 الي 12 سنه بفضل بنات بليس العبايه والنقاب تحولن
الي الوان وتكرمون الاحذيه والاكعاب العاليه جداجدا والمكياج الصارخ
طبعا الحين احتاج الي موقف حازم ما يختلفون عليه اثنين كلمت ابوها وعلمته بكل السوالف
ولمى عرف وتاكد ان كلامي كله صح قالي برسالتين الاولى انه راح ينصح بنته
والثانيه عطاني الضوء الاخضر طبعا ما اهتمت حق كلام ابوها لانها عارفه راح يحن عليها شوي
لا وزعلت علي تقولي ليش تكلم ابوي علي العموم ابوي يزعل شوي وبعدين عادي قلتلها افا عليج
الحياة حلوه وهذي أخر كلمة قلتها بالنقاش والاحداث اللي صارت .....,
بعدين سويت اللي علي صراحه قطعت ملابس والله بحجم 4 جناط سفر كبار غير تكسير
المكياج بقيمة اكثر 300 دينار غير تكرمون الاكعاب العاليه بيتي صار بدون ماركات نسائيه
طبعا زعلت وراحت حق ابوها اكيد عطاها طاف وردت البيت مره ثانيه قعدت في البيت جم يوم
عرفت ان الله حق وبعدين قعدت تدور ابسط الملابس عشان بس تروح الدوام
انا بس حبيت اوضح شلون بعض الحريم يخربون البيوت وبين الزوجين والسوالف اللي صارت
معاي بالنسبه للناس الثانيه ترا نقطه في بحر في سوالف تصير حق الناس اقوى من جذي للاسف
انا المشاكل اللي صارت معاي الحمدلله ماهي هذيج المصايب الكبيره اعوذ بالله
اللي حصل معاي تغيير في الاطباع بالافكار بس هم عوامل تخرب بيوت الله يحفظ الجميع
واسمحولي ...,