عندي سؤال
جد ما امزح .. هل فيه طريقه اقدر اعيش فيها بدون ناس حولي
اعيش لحالي .. بدون لا اكلم احد ولا احتك بأحد نهائيا

مع اني شخصيه اجتماعيه جداً .. لكن بديت اكره الناس
ماعدا الناس اللي التقي فيهم بمركز تحفيظ القرآن .. من أطهر الناس قلوباً
تعاملي معهم يحسسني بالراحه ووجودي في ذاك المكان هو وقتي المفضل اللي اقضيه كل يووم
انتظر هالوقت بفارغ الصبر
هم وكم وحدة من صديقاتي اللي الحمدلله يعينوني عالى التغيير لا شعورياً

اما الباقي
والله والله اتمنى اوقات لو اني ما انولدت اصلاً
من الظلم والاشياء اللي تصير من حولي وانا ماقدر اغيرها

والله كنت انتظر العطله عشان ابشركم بالراحه النفسيه اللي وصلت لها
وتغيري في عدد من النواحي
فرحتي الكبيرة بالمركز والانجاز اللي حققته هناك
فرحتي باشياء كثيره صرت احس فيها
كنت ابي ادخل عشان اقول اني وصلت لمرحلة احس فيها براحة نفسية اقدر اتغلب فيها على باقي اموري

لكن مثل ما يقول المثل
الزين ما يكمل

سبحاااان الله
حتى وانا احاول بأقصى استطاعتي اني ابتعد عن المشاكل وعن صديقاتي السابقات
الا ان مشاكلهم توصلني لحد عندي
حتى وانا مبتعده عنهم يوصلني كلامهم عني
طيب انا ابتعدت وتدرون اني تغيرت وابتعدت عن تفاهاتكم .. تتكلمون علي ليش .. خلوني بحالي والله مابي منكم شيء
ولا انا اللي ضريتهم ولا تعرضت لهم ابدا
بالعكس عاملتهم بالحسنى وباركت لهم بمناسباتهم واسأل عنهم على فترات بعيدة
لكن اللي نفسه مو صافيه اصلا ما ينفع معاه الطيب والمعروف

هالاسبوع بكامله وانا في مشاكل معهم
هم مجموعة اعرفهم تقريبا من زمان
وحده منهم هي نفسها ذيك اللي اببتعدت عنها صديقة السوء
والباقي ماعندهم مثل سوالفها لكن ممكن يسوون لك مشاكل لأقل موقف
اذا انا جاريتهم وسويت وطلعت معهم وتكلمت بمواضيعهم التافهه صرت احسن وحده
لكن لما ابتعد وما اجاريهم اطلع فيني عيوب الدنيا
وانا ابتعدت عنهم بكل هدوووووووووووء والله ما سويت لهم مشاكل وحتى لما يكلموني ارد عليهم باحترام

كل اللي صار اني رفضت اطلع معهم طلعاتهم واجتمع معهم بحفلاتهم
طلع علي انواااااااااااع الكلام والسب
في وجهي ومن وراي يوصلني
هذي معقده وشايفه نفسها وفاهمه الدين غلط ومسويه نفسها شيخه
انا ما همني كل هالكلام لانه كله تفاهات وهالكلام ما يضرني بالعكس ولا همني
طبعاً غير الكلام الجارح اللي يوجهونه لي والاسلوب المخيف

لكن مو هنا الكلام
الكلام بدا يوصل لسمعتي بين الناس اللي يعرفوني من صديقاتي
فيها وفيها وفيها .. بعد لو كلام في مواضيع عاديه والله ما يهمني

اليوم وحده منهم كلمتني في موضوع صار من 4 سنوات
وهذا الشي صار وقت اللي كنت تحت وصاية صديقة السوء .. هي سوته وانا كنت مشتركه وياها بالتستر عليها
وانا تبت الى الله من كل شي صار وقررت ارميه ورا ظهري
هالموضوع محد كان يدري عنه غيري وغيرها .. مستحييييييييييييل كانت تقول لأحد
الحين هي نشرته .. انو هالموضوع صار وضآيعه كانت معي
هالكلام راح يضرني ويضر بسمعتي حتى لو كان بين صديقاتي
لان الموضوع اذا كان بينهم اليوم .. بكره بيصير عند الجميع
هذا مثال بس ..

من فترة صار كلامهم معي انهم يعرفون شيء عني بس ما يتكلمون
وانا مدري اذا هي قالت لهم شيء او لا
انا والله كنت خايفه من هالشيء من بعد ما تركتها .. صح هي ما تعرف كل شيء عني وعن موضوعي
لكن بدايته كان عندها
كنت ناويه من فترة ادخل واكتب هنا عن خوفي من الشيء هذا لاني عارفه بطبيعتها وعارفه انها ممكن تقلب كل شيء علي وهي تطلع منها بدون اي ضرر
لكني قلت مو معقوله .. اليوم صار

الاسبوع هذا صار كلامهم .. ضايعه فيها وفيها
ضايعه ما تسوي اللي قلنا لها عليه
ضايعه كانت قبل تطلع وتجتمع معنا الحين تغيرت مرة وحدة وصارت ما تطلع
اكيد الالتزام اثر عليها وعقدها
اكيد صار لها شيء خلاها ما تطلع
تخاف احد يشوفها !!!!!!!!!!!

حسبي الله ونعم الوكيل خافوا الله فيني
طيب انا صرت ما انفع لكم خلاص اتركوني بحالي وش تبون فيني انا نكديه

فيه وحده من المجموعه صارت قريبه حيييييييل من صديقة السوء حسبي الله عليها
صارت هذي -صديقة السوء- تقول لها كل شيء عن حياتها وماضيها
وهذي البنت من طبيعتها انها تمشي وتتكلم
اذا على موضوع اللي صار من 4 سنوات تكلمت علي وقالته .. مع اني ما سويت شي
كيف اجل عن موضوعي ؟!!!!!

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين