هي -صديقة السوء- حالياً معصبه مني لاني تركتها وابتعدت
صرت ما اكلمها واركض وراها مثل قبل وبتحاول بأي طريقه تقهرني
حتى لو وصلت لدرجة انها تفضحني ما راح تهتم

والله انا حاولت احافظ على سمعتي حتى يوم كنت اغلط طول السنوات اللي راحت
وقدرت احافظ عليها .. لكن الحين بيضيييييييييييييييع مني كل شيء
خايفه خايفه يوصل الكلام لأحد من أهلي أو يوصل لسمعتي
انا تبت وطلبت من الله يسترني لكن في ناس نفسهم دنيييييييييئة
حسبي الله عليها وعلى اشكالها

هي بدت تتكلم اصلا علي
الله يجعل كيدها في نحرها يارب ويكفيني شرررها

صديقاتي الباقي لما بعد حاولت احط حدود معهم بالتعامل صارو ينشرون علي اشاعات (بعضهم)
ويتكلمون علي قدام الكل
ويتهموني من وراي .. هالشي كان يصير من غير علمي .. الحين انا دريت عنه
صح انا ارتحت لما ابتعدت عنهم .. لكن اذاهم وصلني وبيضرني

اجيبها من ذيك صديقة السوء ولا من الباقي
طبعا هي لحالها مشاكلها بكفة وهم بكفة

ادري ان الطريق الصحيح وطريق التوبه والتغيير يحتاج صبر وبتصير لي امتحانات
لكني ما توقعت تكون في اشياء بتضرني وبتضر سمعتي
خصوصا ان الاشياء اللي راح تنقال بتكون صح
مثل الكلام عن الماضي .. لو تكلموا فيه .. كيف بقدر انكره ؟!!! وانا عشته اصلا !!!
ما بقدر اصير نظيفه بعد اليوم

حتى كلامهم الجارح ما اقدر ارد عليه
يكلموني ويرمون علي انواع الكلام اللي مثل الشوك
لكن ماقدر ارد عليهم ابداً .. ينربط لساااااااااااااااااني ماقدر اقول ولا شيء
بس ابكي ودموعي تنزل .. واضطر اسكت عشان ما يقولون هذي صاحت يعني هي ضعيفه وبنركب فوق راسها واحنا انتصرنا
ولما اكمل المكالمه وينتهي الموضوع يكون عندي رد ابي اقوله عن طريق الكتابه لاني لو تكلمت بالجوال ببكي
يكون الموضوع خلص اصلا وهم انتصروا علي وماعاد له داعي ارد عليهم
وهالشي يخليهم يستمرون في اذاهم وطريقتهم

وانا استمر شايله بقلبي ويرتفع ضغطي وما انام بالايام بسببهم
ولما تهدا السالفه يرجعون لي بسالفه اكبر منها
هذا كله وانا مبتعده عنهم .. مدري كيف اذا صرت قريبه منهم

انتو تعرفون ان شخصيتي مسالمه لأقصى حد وممكن اتحمل لأقصى درجة واسكت ما اتكلم
كل مرة يرمون علي كلام سم وانا اللي ارجع واراضيهم كنت .. تخيلو
علاجي البكااااااااااااااااااااء
انا ما كانت شخصيتي كذا ابداً .. كنت في فترة من الفترات ارد واتكلم (لساني طويل )
كان الكل يحسب لي حساب .. لكني تغيرت ورجعت لطبيعتي المسالمه

رغم ان كل المواضيع مضايقتني وابي لها حل (اقصد صديقاتي)
الا ان صديقة السوء ذيك هي اكثر موضوع مؤرقني وشايله همه
رغم كل شيء سويته لها ساعدتها في امور كثيرة وتسترت عليها بأمور كبيرة
وقفت بجانبها وعطيتها اكثر مما أي صديقة تحلم فيه .. والله بخلت على نفسي بأمور كثيرة معنوية وعطيتها
وآخر شيء كذا تضرررررني بأمور ما اتخيلها
صار موقف من سنة تقريبا واعتقد اني كتبت عنه هنا
موقف ما يستااااهل ابدا .. لكنها ضررررررررررررتني فيه وضرره للحين مستمر علي ليومنا هذا
تكلمت علي بكلام ما يليق ومو صحيح عند الكل وجرحتني بالكلام وطردتني وصكت بوجهي
واحتقرتني قدام الكل واهانتني اهانه حتى عدوها ما راح تسوي له كذا رمتني رمية الكلاب اعزكم الله
لليوم ما اعتذرت على كل اللي صار .. وانا بكل غباء مني بعدها بفترة شهرين طلبت مني شيء ورحت اركض اسويه لها
كنت غبيييييييييييييييييييييييييية
ومن يومها انا مبتعده عنها .. لكن لليوم ضررها يوصل لي
لما تصير مناسبة والتقي فيها بالصدفه .. لازم بعدها يصير لي موقف تضرني فيه سواء بكلامها او تصرفاتها الجارحه
وهي تتصرف معي ومع الناس انها هي اللي تتفضل علي بكلامها معي
طيب انا ما احتاجك ولا ابي اكلمك .. خلاص كفي شرك عني
ما يكفيييييييييييييها كل اللي سوته فيني ؟؟ ما يكفيها ماضيي اللي كتبت هي صفحاته ؟؟ وش تبي مني اكثر
مو كفاية السنين اللي ضيعتها من حياتي .. ما يكفيها الحاله اللي انا وصلت لها
اذا هي عاجبتها حياتها عليها بالعافيه بس خلها تبتعد عني وتنساني
انا عمررري ما حاسبتها ولا قلت لها شيء .. ليش تتعمد تأذيني
بس عشان انا تغيرت وتبت وصرت أحسن ؟؟ عشاني ابتعدت عن طريق الحرام وما عاد ابي اسلكه ؟

ليش كل ما ابي انسى الماضي يرجع لي بطريقة أسوأ من الطريقة اللي قبلها
لو هي تكلمت .. ما راح ينفعني تغيري .. كأني ما سويت شيء .. وبظل حبيسة الماضي

انا كنت في صراع ايام رمضان لما شفت حلقة العفو
وفكرت ان هي الوحيده اللي انا شايله بقلبي عليها وماقدر اسامحها على كل شيء
وصلت لقناعة ان انا بعد ابي ربي يسامحني وسامحتها على اللي سوته فيني بالماضي وسحبها لي لطريق الحرام
لكني ماقدرت اسامحها على ضررها لي بالموقف اللي قبل سنة وكل الاذى اللي سببته لي من يومها لحد اليوم
ولا راح اسامحها
ولا راح اسامحها لو تكلمت علي وفضحت امور ربي سترها علي
وبظل ادعي عليها ليل نهار
مو كفايه دمرت حياتي قبل .. بعد تبي تدمرها الحين

حسبي الله ونعم الوكيل على كل من يبي يضرني
سواء هي او باقي الصديقات او اي احد

احتاج دعواتكم بأن ربي يستر علي وما يفضحني
والله انا في حاله نفسيه ما يعلم بها الا رب العالمين

تعبت من الناس واذاهم ونفاقهم
اوقات افكر واقول والله ان مشاكلنا تافهه مقارنة بالوضع اللي عايشينه اخواننا في سوريا وفلسطين الله ينصرهم يارب
واتمنى ان اكون هناك وسطهم ومعهم عشان انشغل بذاك الهم ولا انشغل بهم الناس التافهين
أو ان ربي يلطف بي وياخذني عنده ارتاح منهم لاني عارفه ان ربي أرحم بي من العالم كله
اللهم ارزقني الشهادة في سبيلك

مو عارفه كيف اتخلص من كل الموضوع وكيف اصرفه من بالي
معقوله بظل طول عمري خايفه من موضوع انتهى وربي ستر علي
او بظل افكر في كلام الباقي واشاعاتهم واهاناتهم اللي ما تنتهي
رحماك يارب

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين